ތިމާވެއްޓާ ރައްޓެހި ޒަމާނީ އާބަން ސިޓީއެއްގެ ގޮތުގައި ރައީސް މުއިއްޒު ސަރުކާރުން ތަރައްގީ ކުރަން ނިންމާފައިވާ ރަސްމާލޭގައި 30،000 ގެދޮރު ބިނާކުރަން ޗައިނާއިން އެހީވާން ނިންމާފައިވާ ކަމުގައި ސަރުކާރުން ބުނެފިއެވެ.
ސަރުކާރުން ބުނެފައިވަނީ މިއީ އިއްޔެ ޗައިނާއާ އެކީ ރާއްޖެ އިން ސޮއިކުރި ގިނަ އެއްބަސްވުންތަކުގެގެ ތެރޭގައި ހިމެނޭ އެއްބަސްވުމެއްގެ ތެރެއިން އެގައުމުން އެހީތެރިވާން ނިންމާފައިވާ މަޝްރޫޢެއް ކަމުގައެވެ.
ޗައިނާގެ އެހީގައި ރަސްމާލޭގައި 30،000 ގެދޮރު ބިނާކުރަން ނިންމި ނަމަވެސް މިކަމާ ބެހޭ އިތުރު ތަފުސީލެއް އަދި ހާމަކޮށްފައެއް ނުވެއެވެ. ހައުސިން މިނިސްޓްރީން ބުނެފައިވަނީ އިތުރު މިކަމާ ގުޅޭ އިތުރު ތަފުސީލުތައް ފަހުން ހާމަކުރާނެ ކަމަށެވެ.
ރަސްމާލެ ހިއްކަން ފާއިތުވި ޑިސެމްބަރު މަހުގެ 18 ގަ އެވެ.
ރަސްމާލެ ތަރައްގީ ކުރުނަނީ މާލެއަށް ކުރިމަތިވެފައިވާ ބޯހިޔާވަހިކަމުގެ މައްސަލައަށް ހައްލު ހޯދުމަށް އަމާޒުކޮށް ގޯއްޗާއި ފްލެޓް ހިމެނޭ ގޮތަށް 65،000 ހައުސިން ޔުނިޓް އަޅާ ގޮތަށެވެ.
