ޑައިރެކްޓަރު/ޕްރޮޑިއުސަރު ކަރަން ޖޯހަރްގެ ޗެޓް ޝޯ "ކޮފީ ވިތު ކަރަން" ގެ 8 ވަނަ ސީޒަން ގެ ކުރިއަށް އޮތް އެޕިސޯޑުން ކުރީގެ މަޝްހޫރު ބަތަލާ ޒީނަތު އަމަން ފެނިގެންދާނެއެވެ.
އޭނައާ އަކީ ދެން ބައިވެރި ވާނީ ބަތަލާ ނީތޫ ސިންގް އެވެ. ކުރީގެ ވަރަށް ކާމިޔާބު ފިލްމް ތަކެއް ކުޅެފައިވާ ދެތަރިންނާއި އެކުގައި މިހާރު މި ޝޯވ ގެ ޕްރޮމޯވެސް އަންނަނީ ދައްކަމުންނެވެ.
ނީތޫ އަކީ ކުރީގެ އެކްޓަރު ރިޝީ ކަޕޫރްގެ އަންހެނުން އަދި މިހާރުގެ މަޝްހޫރު އެކްޓަރު ރަންބީރް ކަޕޫރްގެ މަންމަ އެވެ. ހިންދީ ސިނަމާގައި 70 އަހަރުތަކުގެ ތެރޭގައި ވިދި ޒީނަތާއި ނީތޫ އެކީގައި ބައިވެރިވާ އެޕިސޯޑް ޑިޒްނީ ޕްލަސް ހޮޓްސްޓާ އިން ސްޓްރީމްކުރާނީ މި މަހުގެ 11 ވަނަ ދުވަހުގެ ރޭ ދަންވަރު އެވެ.
View this post on Instagram
މި ޝޯއަކީ ކަރަންއާ ގާތް ބޮލީވުޑްގެ ތަރިންނާއެކު ކުރިއަށް ގެންދާ ޝޯއެކެވެ. މީޝޯއާ މެދު ހިތްހަމަ ނުޖެހި ޝޯ ތެރެއިން ކިތަންމެ ތަރިންނެއް އޭނާއަށް ވައްބަހުންވެސް ޖަހައެވެ.
މީގެ ކުރީގެ ސީޒަން ތަކުގައިވެސް ތަރިންގެ ވަރަށް ޕާސަނަލް ވާހަކަތައް ވަނީ މިޝޯ މެދުވަރިކޮށް ފޭނުންނާ ހިއްސާކޮށްފައެވެ. "ކޮފީ ވިތު ކަރަން" އަކީ 2004 ގައި ގެނެސްދޭން ފެށި އަދި އާންމުންގެ ތެރޭގައި ވަރަށް މަގުބޫލު ޝޯއެކެވެ.
