ދައުރު ނޫހުގައި ޝާއިއުކޮށްފައިވާ ޚަބަރެއްގައި ޕްލެޓިނަމް ރިއަލް އެސްޓޭޓޓް ޕްރައިވެޓް ލިމިޓެޑްގެ ފަރާތުން އާޒިމާ ޝަކުރުގެ މައްޗަށް ދައުވާކޮށް ސިވިލް ކޯޓަށް މައްސަލަައެއް ހުށަހަޅާފައިވާ ކަމަށާއި، އެ މައްސަލައާއި ގުޅިގެން 9 ޖެނުއަރީ 2024 ވަނަ ދުވަހު މައްސަލައިގެ ހުކުމް ކުރުމުގެ އަޑުއެހުމެއް ތާވަލު ކުރެވިފައިވާކަމަސް ބުނެފައި ވީނަމަވެސް އެފަދަ އެއްވެސް މައްސަލައެއް ސިވިލް ކޯޓުގައި ރަޖިސްޓްރީ ކޮށްފައި ނުވާކަމަށް އެކޯޓުން ބުނެފިއެވެ.
އާޒިމާއާއި ގުޅޭގޮތުން ދައުރު ނޫހުން ޝާއިއު ޚަބަރަކީ ދޮގު ޚަބަރެއް ކަމުގައި އާޒިމާވެސް ވިދާޅުވެފައި ވަނިކޮށް، ސިވިލް ކޯޓުން މިއަދު ނެރުނު ބަޔާނުގައި ވިދާޅުވެފައިވަނީ މިމައްސަލައިގެ ލިޔެކިޔުންތަކެއްކަމަށް ބުނެ ދައުރު ނޫހުގައި ބަޔާން ކޮށްފައިވާ ލިޔެކިޔުންތަކަކީ ސައްޙަ ލިޔުންތަކެއްވެސް ނޫންކަމުގައެވެ.
އެހެންކަމުން، ރައްޔިތުން ކުރިމަތީގައި ކޯޓާއިމެދު ނުބައި ތަސައްވުރެއް އުފެދޭ ގޮތަށް އަދި ކޯޓުގެ ލިޔުންތައްކަމަށް ބުނެ ސައްޙަނޫން ލިޔުންތަކެއް ކޯޓުގެ އަގު ވެއްޓޭގޮތަށް ކުރާ މިފަދަ ނޭދެވޭ އަމަލުތައް މިކޯޓުން ހަރުކަށި އިބާރާތުން ޖުށްވެރި ކުރަމެވެ. އަދި މިފަދަ އަމަލުތަކަކީ ކޯޓުގެ ޙުރުމަތް ކެނޑުމުގެ އަމަލެއްކަމުގައި ބަލާ، އެފަރާތްތަކާމެދު ގާނޫނީ އިމުގެ ތެރެއިން އެޅެންހުރި އެންމެ ހަރުކަށި ފިޔަވަޅު އަޅާނެކަންވެސް އަންގަމެވެ.
ސިވިލް ޖޯޓުން ނެރުނު ބަޔާނުގައި ވިދާޅުވެފައި ވެއެވެ.
ވެރިކަން ކުރާ ކޮންގްރެސް ޕާޓީގެ ފަރާތުން މޭޔަރުކަމުގެ އިންތިހާބުގައި ވާދަކުރައްވާ އައިޝަތު އާޒިމާ ޝަކޫރު ހުޅުމާލޭގެ ޕްލެޓިނަމް ރެސިޑެންސުން 2016 ވަނަ އަހަރުގެ ތެރޭގައި ބައްލަވައިގެންފައިވާ ފްލެޓް ގަތުމަށް އެތަން ހެދި ކުންފުނިން އޭނާއަށް ލޯނެއްގެ ގޮތުގައި ދީފައިވާ 1.96 މިލިއަން ރުފިޔާ ނުދައްކައިގެން ދައުވާ އުފުލައިވާކަމަށް ބުނެ އޮންލައިން ނޫހަކުން ޝާޢިއުކުރި ޚަބަރަކާއި ގުޅޭގޮތުން އާޒިމާ ބޭއްވި ނޫސްވެރިންގެ ބައްދަލުވުމުގައި ވިދާޅުވީ ނޫހުން އެ ޚަބަރު ލިޔެފައިވަނީ ވަރަށް ޒިންމާދާރުކަން ކުޑަކޮށް ކަމަށާއި، ޚަބަރު ލިޔެފައިވަނީ އެއްފަރާތަށް ބުރަވެ ކަމަށެވެ.
ހަމަ އެމައްސަލައާއި ގުޅޭގޮތުން އާޒިމާ ނޫސް ބަޔާނުގައި ވިދާޅުވެފައިވަނީ އޭނާގެ އިންތިޚާބީ ހައްގަށް އަރައިގަތްކަމަށް ވިދާޅުވެ މައްސަލަ ޕޮލިހަށާއި ސިވިލް ކޯޓަށް ހުށަހެޅުއްވުމަށް ނިންމަވާފަައި ވާކަމުގައެވެ.
މިމައްސަލައާއި ގުޅިގެން އާޒިމާ ނެރުނު ބަޔާނުގައި އިތުރަށް ވިދާޅުވީ، އޭނާގެ ނަމުގައި މޯލްޑިވްސް އިސްލާމިކު ބޭނުން ނަގާފައިވާ ގެދޮރުވެރިކަމުގެ ލޯނުގެ މައްސަލާގައި، ލޯނު ރީ ސްޓްރަކްޗަރ ކުރުމަށް ވާހަކަ ދައްކަންފަށާ، ފައިސާ ދައްކާނޭ ގޮތުގެ ޝެޑިއުލްއެއް ބޭންކަށް ހުށަހަޅާފައި ވަނިކޮށް، ބޭންކުގެ އެދުމުގެ މަތިން އޭނާގެ މައްޗަށް ޢައިރު ހާޒިރުގައި ސިވިލްކޯޓުން ހުކުމް ކޮށްފައިވާ ކަމަށެވެ.
އާޒިމާގެ ބަޔާނުގައި ވިދާޅުވެފައިވަނީ، އެކަން އިސްލާމިކް ބޭންކުން ކުރިޔަށް ގެންގޮސްފައިވަނީ ލޯނު ރީ ސްޓްރަކްޗަރ ކުރުމަށް ކޯޓަށް ލިޔުމުން އަންގާނޭކަމުގެ ޔަގީންކަން ދިނުމަށް ފަހުގައި ކަމުގައެވެ.
މިއީ އަޅުގަނޑު ކުރިމަތިލާފައިވާ މާލެ ސިޓީގެ މޭޔަރު އިންތިހާބު ކުރުމަށް ބާއްވާ ބައި-އިލެކްޝަންއަށް ނުފޫޒު ފޯރުވަން ބޭންކިންގެ ގާނޫނުތަކާއި އުސޫލުތަކާ ހިލާފަށް ބޭންކުގެ ވަކި މުވައްޒަފަކު ކޮށްފައިވާ ކަމެއް ކަމަށް އަޅުގަނޑަށް ގަބޫލު ކުރެވޭ ވަރުގެ މައުލޫމާތު ވަނީ ލިބިފައި.
އާޒިމާގެ ބަޔާނުގައި ވިދާޅުވެފައި ވެއެވެ.
އަޒިމާ ވިދާޅުވެފައިވަނީ މިކަން މިހެން ހިނގާފައި ވަނިކޮށް، ވަކި ފަރާތަކަށް ދޭންޖެހޭ ފައިސާތަކެއް ހުރިކަން އޭނާއާއި ދެކޮޅަށް ސިވިލް ކޯޓަށް މައްސަލައެއް ހުށަހަޅާފައިވާ ކަމަށާއި، އަދި އެކޯޓަށް އޭނާ ހާޒިރުވެފައި ނުވާކަމަށާއި، އަދި މިމަހުގެ 9 ވަނަ ދުވަހު އޭނާގެ އައިރު ހާޒިރުގައި ހުކުމް ކުރުމަށް ހަމަޖެހިފައިވާ ކަމަށާއި، އެކަން ދައުރު ނޫހަށް ކަށަވަރު ކުރެވިފައިވާކަމަށާއި، އަދި އެކަމުގެ ލިޔުންތައް އެނޫހަށް ލިބިފައިވާކަމަށް 4 ޖެނުއަރީ 2024 ވަނަ ދުވަހު ދައުރު ނޫހުގައި ޝާއިއު ކޮށްފައިވާ ކަމުގައެވެ.
އެހެންނަމަވެސް އޭނާގެ މައްޗަށް އެފަދަ ދައުވާއެއް ކޮށްފައިވާކަން އެނގިފައި ނުވާތީ އެކަން ސާފުކުރުމަށް އޭނާގެ ގާނޫނީ ވަކީލުން ސިވިލް ކޯޓަށް ލިޔުމުން އޭނާގެ މައްޗަށް އެފަދަ އެއްވެސް ދައުވާއެއް ސިވިލް ކޯޓަށް ހުށަހެޅިފައި ނުވާކަމަށް އެކޯޓުން ގާނޫނީ ވަކީލުންނަށް ލިޔުމުން ޖަވާބު ދީފައި ވާކަމަށްވެސް އާޒިމާ ވިދާޅުވެފައި ވެއެވެ.
އާޒިމާ ވިދާޅުވީ މި މައްސަލައަކީވެސް އޭނާ މިހާރު ކުރިމަތިލައްވައިގެން އުޅުއްވާ މާލޭ ސިޓީގެ މޭޔަރު އިންތިޚާބުގެ ބައި އިލެކްޝަންގެ އިންތިޚާބަށް ނުފޫޒު ފޯރުވާ މި އިންތިޚާބުގައި އޭނާއަށް ގެއްލުން ދިނުމުގެ ނިޔަތުގައި ބަޔަކު ރާވައިގެން ކަމެއްކަމުގައި އޭނާއަށް ގަބޫލުކުރެވޭކަމަށް މިމައްސަލަތައް ކޯޓަށާއި ޕޮލިހަށް ހުހަޅުއްވާ ސަބަބަކީވެސް އެއީ ކަމުގައެވެ.
