ރާއްޖޭގެ މިހާތަނަށް ބިނާކުރި ހަމައެކަނި ބުރިޖް ކަމަށްވާ ޗައިނާ ކޮމިއުނިކޭޝަންސް ކޮންސްޓްރަކްޝަން ކޮމްޕެނީ (ސީސީސީސީ)ގެ އިސްވެރިންނާއި މިއަދު ރައީސް މުއިއްޒު ބައްދަލު ކުރައްވައިފިއެވެ.
ސީސީސީސީގެ ވެރިންނާއި ރައީސް މުއިއްޒު މިއަދު ބައްދަލު ކުރެއްވީ އެމަނިކުފާނު މިހާރު ޗައިނާއަށް ކުރައްވަމުން ގެންދަވާ ރަސްމީ ދަތުރުފުޅުގައެވެ.
ރައީސް މުއިއްޒުއާއި އެކީ މިދަތުރުގައި ބައިވެރިވެވަޑައިގަންނަވަމުން ގެންދަވާ ފޮރިން މިނިސްޓަރު މޫސާ ޒަމީރު ކުރެއްވި އެކްސް ޕޯސްޓެއްގައި ވިދާޅުވީ ރައީސް މުއިއްޒު މިއަދު ބުރިޖް އެޅި ކުންފުނީގެ ލީޑަރޝިޕާއި ބައްދަލު ކުރައްވާފައިވާކަމަށާއި، ޗައިނާ-މޯލްޑިވްސް ފްރެންޑްޝިޕް ބުރިޖަކީ ސީސީސީސީ މިހާތަނަށް ހިންގި އެންމެ މުހިންމު އެއް ޕްރޮޖެކްޓް ކަމަށާއި، ބުރިޖަކީ މާލޭ ސަރަހައްދުގެ ތަރައްގީއާިއ ވަރަށްބޮޑަށް ގުޅިފައިވާ ޕްޖެކްޓެއް ކަމުގައެވެ.
Joined President Dr @MMuizzu’s meeting with the leadership of China Communications Construction Company (CCCC) today.
The China-Maldives Friendship Bridge, one of the most significant projects undertaken by the team of CCCC, has been instrumental to the development of the… pic.twitter.com/FMfbhtz8jL
— Moosa Zameer (@MoosaZameer) January 8, 2024
މި ބައްދަލުވުމާއި ގުޅޭ އިތުރު މައުލޫމާތި އަދި ސަރުކާރުން ހާމަކޮށްފައެއް ނުވެއެވެ. ރައީސް ޔާމިންގެ ވެރިކަމުގައި ސިނަމާލެ ބުރިޖް ބިނާކުރިއިރު ޑރ. މުއިއްޒު ހުންނެވީ ހައުސިން މިނިސްޓަރަކަށެވެ. އޭރު ބުރިގެ މަޝްރޫޢު ބަލަހައްޓާފައި ވަނީ ހައުސިން މިނިސްޓްރީންނެވެ.
ކޮމެންޓު ފޮނުވާ