ކާމިޔާބު ފިލްމް ތަކެއް ގެނެސްދީފައިވާ ޑައިރެކްޓަރު ސޫރަޖް ބަރްޖަތިއާ މި އަހަރު ގެނެސްދޭ އޭނާގެ އަލަތު ވެބް ސީރީޒްގެ ނަން އިއުލާން ކޮށްފިއެވެ.
ބޮލީވުޑް ހަންގާމާ އިން ބުނީ މިދިޔަ އަހަރު "އޫޗާއީ" ގެނެސްދިން ޑައިރެކްޓަރު ހަދަން ނިންމާފައިވާ ވެބް ސީރީޒްގެ ނަމަކީ "ބަޅާ ނާމް ކަރޭގާ" ކަމަށާއި މިއީ ސޮނީ ޓީވީގެ ސްޓްރީމިން ޕްލެޓްފޯމް ސޮނީ ލިވް އަށް ހަދާ އެއްޗެއް ކަމަށެވެ.
ސޫރަޖް ވެބް ސީރީޒް އެއް ގެނެސްދޭން ނިންމި ނަމަވެސް މިކަމާއި ބެހޭގޮތުން މާގިނަ މައުލޫމާތެއް މީޑިއާއަށް ހިއްސާ ކޮށްފައިއެއް ނުވެއެވެ. ބައެއް ނޫސްތަކުން ބުނާގޮތުގައި މި ސީރީޒް ގެ މަސައްކަތް މިހާރު ދަނީ ކުރިއަށެވެ.
މި ވެބް ސީރިޒް އަކީ ކޮންކަހަލަ ޖޯންރާއެއްގެ އެއްޗެއް ކަމެއް ނޭގުނު ނަމަވެސް އޭނާ އަކީ އާއިލީ ލޯބީގެ ފިލްމުތައް ގެނެސްދީގެން އާންމުންގެ ލޯބި ހޯދި ޑައިރެކްޓަރެކެވެ.
އޭނަގެ އެންމެ ފުރަތަމަ ފިލްމަކީ ސަލްމާން ޚާން ސުޕަސްޓާރަކަށް ހަދައިދިން 1989 ގެ "މޭނޭ ޕިޔާރު ކިޔާ" އެވެ. އެންމެ ފަހުން އޭނާ ގެނެސިން ފިލްމް އަކީ މިދިއަ އަހަރުގެ ފިލްމް "އޫޗާއީ"އެވެ.
