ލޯބީގެ ގޮތުން ގުޅިގެން އުޅޭކަމަށް އަޑުއަރައިފައިވާ ބަތަލާ ޝެހެނާޒް ގިލް އާއި ބޮލީވުޑްގެ މަޝްހޫރު ލަވަކިއުންތެރިއާ ގުރޫ ރަންދަވާ އެކުގައި ލަވައެއް ގެނެސްދޭން ތައްޔާރު ވެއްޖެއެވެ.
މި ވާހަކަ މިހާރު ވަނީ ޕޯސްޓަރަކާއި އެކުގައި ސޯޝަލް މީޑިއާގައި ހިއްސާ ކޮށްފައިއެވެ. ޝެހެނާޒް ކޮށްފައިވާ ޕޯސްޓުގައި ބުނެފައިވަނީ މީ ހަމައެކަނި ލަވައެއް ނޫން ކަމަށެވެ.
މި މަހުގެ 8 ވަނަ ދުވަހުގައި ލަވަ ބެލުންތެރިންނަށް ދޫކޮށްލާއިރުގައި މި ލަވައިގެ ނަމަކީ "ސަންރައިޒް"އެވެ. ބެލެވޭ ގޮތުގައި މި ލަވައަކީ ވަރަށް ވެސް ރޮމޭންޓިކް ލަވައެކެވެ.
ޓީ ސީރީޒްގެ ތަތްގަނޑުގައި ނެރުމަށް ހަމަޖެހިފައިވާ ވީޑިއޯ ލަވައިން މި ދެމީހުންގެ ލޯބި ފެނިގެންދާނެ ކަމަށް ބެލެވެއެވެ. ޝެހެނާޒް އަދި ގުރޫ ވެސް މީގެ ކުރިން ވަނީ ވީޑިއޯ ލަވަތަށް ގެނެސްދީފައިއެވެ.
ކޮމެންޓު ފޮނުވާ