ބެއިރޫތުގައި ހުންނަ ހަމާސްގެ އޮފީހަށް ދިން ހަމަލާގައި ޝަހީދުވި މީހުންގެ ތެރޭގައި ހަމާސްގެ ޑެޕިއުޓީ ލީޑަރު ސާލިހް އަލް އަރޫރީ ހިމެނޭ ކަމަށް ހަމާސް ޖަމާއަތުން ބުނެފި އެވެ.

ހަމާސް އިން ބުނީ ބެއިރޫތުއަށް ދިން ބޮމުގެ ހަމަލާއެއްގައި އެ ޖަމާއަތުގެ ޑެޕިއުޓީ ހެޑް ސާލިހް އަލް އަރޫރީ ޝަހީދުވެފައިވާ ކަމުގައެވެ. ލުބުނާނުގެ ވެރިރަށުގެ ދެކުނުގެ އަވަށެއް ކަމަށްވާ ދަހިއްޔާގައި ހުންނަ ހަމާސްގެ އޮފީހުގައި އެއްޗެއް ގޮވި ހާދިސާގައި މަރުވި ހަތަރު މީހުންގެ ތެރޭގައި އޭނާ ވެސް ހިމެނޭ ކަމަށް ރިޕޯޓްތައް ބުނެ އެވެ.

އަލްއަރޫރީ އަކީ ހަމާސްގެ ޕޮލިޓިކަލް ބިއުރޯގެ ޑެޕިއުޓީ ހެޑްގެ އިތުރުން އެ ޖަމާއަތުގެ އަސްކަރީ ކަންކަމުގައި ވަރަށް ބޮޑަށް ޝާމިލުވާ ބޭފުޅެކެވެ. ފަލަސްތީނުގެ ރެޑް ކްރެސެންޓުން ބުނީ ޣައްޒާގެ ދެކުނުގައި ހުންނަ ޚާން ޔުނިސްގައި ހުންނަ ފަލަސްތީނުގެ ހެޑްކުއާޓަރަށް އިސްރާއީލުން ދިން ބޮމުގެ ހަމަލާތަކުގައި ފަސް މީހުން މަރުވެ ތިން މީހަކު ޒަހަމްވެފައިވާ ކަމަށެވެ.

އިޒްރޭލުން ބައެއް ހަނގުރާމަވެރި ސިފައިން އައްޒާއިން އަނބުރާ ގެންދިއުމަށް ނިންމާފައިވާކަން އިއުލާނު ކޮށްފައިވީ ނަމަވެސް، އެ ސަރަހައްދުގައި ވަރުގަދަ ކުރިމަތިލުންތަކެއް ދަނީ ހިނގަމުންނެވެ. އިސްރާއީލުގެ އަސްކަރިއްޔާއިން ބުނީ އެގައުމުގެ ސިފައިން އައްޒާގެ އުތުރުގެ ޖަބާލިއާގައި ފަލަސްތީނުގެ އެތައް ހަނގުރާމަވެރިންނެއް ޝަހީދުކޮށްލާފައިވާ ކަމަށާއި ޣައްޒާ ސިޓީ އާއި އައްސޭރިފަށުގެ ސަރަހައްދުތަކުގައި ތިބި އެހެން މީހުންނަށް އަމާޒުކޮށް ހަމަލާދީފައިވާ ކަމަށެވެ.

އޮކްޓޯބަރު މަހުގެ 7 ވަނަ ދުވަހު ހަމާސްގެ ހަނގުރާމަވެރިން އިސްރާއީލަށް ދިން ހަމަލާގައި 1200 މީހުން މަރުވެ، 240 އެއްހާ މީހުން ވަނީ ރަހީނުކޮށްފައެވެ. ޣައްޒާގައި ހަމާސް އިން ހިންގާ ސިއްހަތާ ބެހޭ ވުޒާރާއިން ބުނީ އިޒްރޭލުން ބަދަލު ހިފުމުގެ ހަނގުރާމަ ފެށި ފަހުން މިހާތަނަށް ޢައްޒާގައި 22،000 އަށް ވުރެ ގިނަ މީހުން މަރުވެފައިވާ ކަމަށެވެ.