ބޮލީވުޑްގެ މަޝްހޫރު އެކްޓަރު އަކްޝޭ ކުމާރު އާއިލާ އާއި އެކުގައި ރާއްޖޭގައި އައު އަހަރު ފާހަގަކުރަމުން އެބަދެއެވެ.
ބޮލީވުޑްގެ ގިނަ ތަރިންގެ މެދުގައި އެންމެ މަގުބޫލު އެއް މަންޒިލް ކަމުގައިވާ ރާއްޖެ އަކީ ނިމިދިއަ އަހަރުވެސް ގިނަ އަދަދެއްގެ ބޮލީވުޑް އެކްޓަރު ޒިޔާރަށް ކުރި އެއް މަންޒިލެވެ. އޭގެ ތެރޭގައި އެކި ފަންތީގެ ސެލެބްރިޓީން ހިމެނެއެވެ. އަދި ހަމަ އެއާއި އެކު މި ތަރިންނަކީ އެއްފަހަރަށް ވުރެ ގިނަ ފަހަރު ރާއްޖެ އައިސްފައިވާ ތަރިންނެވެ.
އާ އަހަރާ ދިމާކޮށް އަކްޝޭގެ އާއިލާ ރާއްޖެ އައިސްފައިވާއިރު މީގެ ކުރިން 2022 ވަނަ އަހަރު ފެށުމާ ދިމާކޮށް ވެސް އަކްޝޭ ވަނީ ޗުއްޓީ އަށް ރާއްޖެ އައިސްފަ އެވެ.
އަކްޝޭގެ އާއިލާ ޗުއްޓީ ހޭދަކުރަމުން ދަނީ ބޮލީވުޑް ތަރިންގެ މެދުގައި މަގުބޫލު ރިސޯޓު، ސޮނޭވާ ޖާނީގަ އެވެ. ނަމަވެސް އޭނާގެ އެއްވެސް ސޯޝަލް މީޑިއާއެއްގައި މި ދަތުރުގެ އެއްވެސް ފޮޓޯއެއް ހިއްސާކޮށްފައިއެއް ނުވެއެވެ.
