ކުދިން ދާން ބޭނުންވާ ކެރިއަރެއް ޗޫސް ކުރާނީ އެ ކުއްޖެއް ކަމަށް އެކްޓަރު ޝާހުރުކް ހާން ބުނެފިއެވެ.
އޭނާ ބުނީ ކުދިން ކުރާނެ ކަމެއް ނިންމާނީ ކުދިން ކަމަށެވެ. އަދި އެ ނިންމުމާއި މެދުގައި އޭނާ އެއްވެސް އެއްޗެއް ނުބުނާނެ ކަމަށާއި އެއީ އެކުދިން ގެ މުސްތަގުބަލު ކަމަށް އޭނާ ވަނީ ބުނެފައިއެވެ.
"ކޮންމެ މީހަކަށްވެސް އޮންނަން ޖެހޭ ހައްގެއް ކަމަށް އަހަރެން ގަބޫލު ކުރަނީ. އެކުއްޖެއް ޗޫސް ކުރާނެ ކެރިއަރެއް އެނގޭނީ އެކުއްޖަކަށް. ބައްޕަ އަކަށް އަދި މަންމަ އަކަށް ނޫން. ކޮންމެ ރޮގަނކުން ކުރިއަށް ދިޔަކަމުގައިވިޔސް އަހަރެންގެ މައްސަލައެއް ނެތް"
ޝާހު ބުނީ ކުދިން ފިލްމް ކުޅެން ބޭނުން ނަމަ އެކަން ކުރުމަށް ހުރަހެއް ނެއް ކަމަށެވެ. ބައްޕަ ފަދައިން އެކުދިން ނަން ފިލްމް ކުޅުމުގެ ފުރުސަތު އޮންނާނެ ކަމަށެވެ. އަދި ފިލްމް ކުޅެން ބޭނުން ނޫން ކަމުގައިވަނީ ނަމަ އެއީ ވެސް މައްސަލައެއް ނޫން ކަމަށް އޭނާ ވަނީ ބުނެފައިއެވެ.
View this post on Instagram
ޝާހު މިފަދަ މޭރުމަކުން ވާހަކަ ދެއްކި އިރުގައި އޭނާގެ ދޮށީ އަންހެން ދަރިފުޅު މިހާރު ވަނީ ބޮލީވުޑްއަށް ތައާރަފް ވުމުގެ ފުރަމަ މަރުހަލާ ކަޑަތު ކޮށްފައިއެވެ. އޭނާ ވަނީ "ދި އާޗީސް" އިން މި ޑިސެމްބަރު މަހު ބޮލީވުޑް އަށް ތައާރަފު ވެފައިއެވެ. ކުރިއަށް އޮތް އަހަރު ޝާހު އާއި ސުހާނާ އެކުގައި ފެނިގެންދާ ފިލްމް ގެ ޝޫޓިން ފަށާނެ ކަމަށްވެސް މައުލޫމާތު ލިބެއެވެ.
އާރިޔާން އަކީ ލިޔުން ތެރިއެކެވެ. އޭނާގެ ފުރަޔަމ ޕްރޮޖެކްޓަކީ ވެބް ސީރީޒްއެކެވެ. "ސްޓާޑަމް" ގެ ނަމުގައި ތައްޔާރު ކުރާ މި ވެބް ސީރީޒްގެ ޝޫޓިން ވަނީ މިއަރު ފަށައިއެވެ. ނަމަވެސް ގެނެސްދޭނެ އިރެއް އަދި އިއުލާނެއް ނުކުރެއެވެ.
ދެން ހުރީ 10 އަހަރު ގެ އަބްރަމް ވެސް ބެލެވެނީ ނިކުންނާނީ އެކްޓިން ނަށް ކަމުގައިއެވެ. މިފަހުން ސުކޫލުގައި ބޭއްވި އެނުއަލް ޑޭގައި އޭނާ ވަނީ ޕާފޯމް ކޮށް އެކްޓިންގެ ހުންރު ދައްކައިލައިފައިއެވެ.
