އައްޑޫ ސިޓީގައި ހުންނަ ފައިވާން ފެކްޓަރީއެއްގައި އަލިފާން ރޯވެއްޖެއެވެ.
މި ފެކްޓަރީގައި ރޯވުމާ ގުޅިގެން ފުލުހުންނާއި ސިފައިން މިހާރު ދަނީ އަލިފާންގަނޑު ކޮންޓްރޯލް ކުރުމަށް މަސައްކަތް ކުރަމުންނެވެ.
އެމްއެންޑީއެފުން ބުނީ އައްޑޫ ސިޓީ ހިތަދޫ ފެބުރުއަރީގެ ކައިރީގައި ހުރި ފައިވާން ގުދަނެއްގައި އަލިފާނުގެ ހާދިސާއެއް ހިނގައިގެން އެމްއެންޑީއެފް ސަދާން އޭރިއާ ކޮމާންޑް، ހިތަދޫ ފަޔާ ސްޓޭޝަނުން ހަރަކާތްތެރިވަމުންދާ ކަމަށެވެ. އަދި އަލިފާންގަނޑޫ މިހާރު ކޮންޓްރޯލް ކުރެވިފައިވާ ކަމަށް އެމްއެންޑީއެފުން ބުންޏެވެ.
މި ހާދިސާގައި މީހަކަށް އަނިޔާއެއް ލިބުނު ކަމުގެ ރިޕޯޓެއް މިހާތަނަށް އައިއިރު ނުލިބޭ ކަމަށް އެމްއެންޑީއެފުން ބުންޏެވެ.
އައްޑޫގެ އިމާރާތެއްގައި އަލިފާނުގެ ހާދިސާއެއް ހިނގައިގެން އުޅޭއިރު، މިހާރު ވެސް އައްޑޫއަށް އަންނަނީ ބޯކޮށް ވާރޭވެހެމުންނެވެ. މި ވިއްސާރައިގެ ސަބަބުން ފެންބޮޑުވެ، ބައެއް ގޭގެއަށް ފެންވަދެފައިވާއިރު، މޫސުމާއި ބެހޭ ގައުމީ އިދާރާ (މެޓް) އިން ވަނީ އައްޑޫއާއި ފުވައްމުލަކަށް އޮރެންޖް ސަމާލު ނެރެފައެވެ.
