ބޮލީވުޑްގެ ނުފޫޒުގަދަ ޑައިރެކްޓަރު / ޕްރޮޑިއުސަރު ކަރަން ޖޯހަރްގެ ޗެޓް ޝޯ، "ކޮފީ ވިތު ކަރަން" ގެ ސީޒަން 8 ގެ އެޕިސޯޑްގެ ޕްރޮމޯ އާންމުކޮށްފި އެވެ.
މި އެޕިސޯޑްގައި ފެނިގެންދާނީ އެކްޓަރު ސައިފް އަލީ ހާން އާއި އޭނާގެ މަންމަ ކުރީގެ ބަތަލާ ޝަރުމީލާ ޓެގޯރްއެވެ. މިހާރު އަންނަނީ މި އެޕިސޯޑްގެ ޕްރޮމޯއެއް ވެސް ދައްކަމުންނެވެ.
މި އެޕިސޯޑް ޑިޒްނީ ޕްލަސް ހޮޓްސްޓާ އިން ޕްރީމިއާ ކުރާނީ މި މަހުގެ 28 ވަނަ ދުވަހުގެ ރޭ ދަންވަރު އެވެ. މަންމަ އާއި ދަރިފުޅު އެކީގައި ބައިވެރިވާ އެޕިސޯޑްގައި ޝައުގުވެރި އެތައް ވާހަކަތަކެއް ކިޔައި ދޭނެ އެވެ.
View this post on Instagram
މީ މި ޝޯވގައި އެދެމީހުން އެކުގައި ބައިވެރިވި ފުރަތަމަ ފަހަރެވެ. އަދި ހަމަ އެހެންމެ މިއީ ކަރަންގެ މި ޝޯވ ގައި ޝަރުމީލާ ބައިވެރިވާ އަލަތު ފަހަރުވެސް މެއެވެ.
މިހާރު އުމުރުން 78 އަހަރުގެ ޝަރުމީލާ އަކީ އަކީ ހިންދީ ސިނަމާގައި 1960 އާއި 1970 ގެ ކުރީކޮޅު ވަރަށް ވިދި ބަތަލާއެކެވެ. އެނާގެ ކެރިއަރުގައި ކާމިޔާބު އެތަށް ފިލްމް އެއް ވަނީ ކުޅެފައިއެވެ.
ސައިފްއަކީ ޝަރްމީލާއާއި ޕަތޯޑީގެ ނަވާބް މަންސޫރު އަލީ ޚާންގެ ކައިވެންޏަށް ލިބުނު ހަމައެކަނި ފިރިހެން ދަރި އެވެ. ސައިފްގެ އިތުރުން އެ އާއިލާގައި އިތުރު ދެ އަންހެން ކުދިން ތިބެ އެވެ. އެއީ ސޯހާ އާއި ސަބާއެވެ.
