ސިޔާސީ ހަރަކާތްތަކުގައި ބައިވެރި ވުމުގެ ހުއްދަ، 11 އަހަރުގެ ހުކުމެއް ތަންފީޒު ކުރައްވަމުން ގެންދަވާ ކުރީގެ ރައީސް ޔާމިންއަށް ނުދިނުމަށް މޯލްޑިވްސް ކަރެކްޝަންސްއިން ނިންމާފައިވަނިކޮށް، ކުރީގެ ރައީސް ޔާމިން އެމަނިކުފާނު އަލަށް އުފައްދަވާ ޕީޕަލްސް ނެޝަނަލް ފްރަންޓް (ޕީއެންފް)ގެ ޖަލްސާތަކުގައި ބައިވެރިވެވަޑައިގަންނަވަން ފައްޓަވައިފިއެވެ.
ރޭގެ ޕީއެންއެފްއިން ބޭއްވި ޖަލްސާގައި ރައީސް ޔާމިން ބައިވެރިވެވަޑައިގެންނެވި ނަމަވެސް ރޭގެ ޖަލްސާގައި އެމަނިކުފާނު ވާހަކަ ދައްކަވާފައެއް ނުވެއެވެ.
ރިޝްވަތާއި މަނީ ލޯންޑަރިންގެ ކުށް ސާބިތުވެ ޖަލު ހުކުމެއް ތަންފީޒު ކުރައްވަމުން ގެންދަވާ ކުރީގެ ރައީސް ޔާމިންގެ ބަންދަށް ލުއިތަކެއް ހޯދެއްވުމަށް އެމަނިކުފާނުގެ ފަރާތްޕުޅުން މިމަހު ކަރެކްޝަންއަށް ހުށަހެޅުއްވިއެވެ.
ބަނދުގައި ހުންނެވި ނަމަވެސް ޔާމިންގެ ގެނަދަވަނީ އެމަނިކުފާނު އުފައްދަވާ ސިޔާސީ ޕާޓީގެ ހަރަކާތްތަކުގެ ބައިވެރިވެވަޑައިގަންނަވާތީ، އަދި ކަރެކްޝަންސްއިން ގެންދަނީ އެ މައްސަލަ ތަހުގީގުވެސް ކުރަމުންނެވެ.
ކަރެކްޝަންސްއިން މީޑިއާތަކަށް މައުލޫމާތު ދެމުން މީގެ ކުރިން ބުނެފައިވަނީ، ރައީސް ޔާމީންގެ ބަންދަށް ލުއިތަކެއް ހޯދުމަށް އެދިފައިވީނަމަވެސް، ނަމަވެސްޤާނޫނީ ފުށު އެރުންތަކެއް ހުރުމުން އިތުރު ލުއިތަކެއް ދެވެން ނެތްކަން އަންގާފައިވާ ކަމަށެވެ.
ފަހުން މީޑިއާތަކަށް އެނގުނު ގޮތުގައި ރައީސް ޔާމިންގެ ފަރާތުން ހޯއްދެވުމަށް އެދިލެއްވި ލުޔަކީ ގެއަށް ނުވަތަ ނިވަތަ އޮފީހަށް ނޫސްވެރިޔަކު އައިސް ކުރާ ސުވާލުތަކަށް ޖަވާބު ދިނުން ނުވަތަ ބަސްދީގަތުން ދިނުމުގެ ހުއްދައިގެ އިތުރުން ރައީސް ޔާމިނާއި ބައްދަލުކުރުމަށް އެދޭ މީހުންނާ އަމިއްލަ ގެއިން ބަދަލުުކުރުމަކީ އެންމެ ފަސޭހަގޮތް ކަމަށް ނުވާނެތީ ބައްދަލުކުރަން އެދޭ މީހުންނާއި އެމަނިކުފާނު ނިސްބަތްވާ ޕާޓީގެ އޮފީހުގައި ބައްދަލުކުރުމުގެ ހުއްދައަށް އެވެ.
ޔާމިންގެ ގާނޫނީ ވަކީލު އާދަމް ޝަމީމު ކުރެއްވި ޓުވީޓެއްގައި ވިދާޅުވީ މިހާރުވެސް ދީފައިވާ ލުއިތަށް ދިން ގޮތަށް މި ލުއިތަށް ދިނުމަކަށް ވެސް ޤާނޫނީ ގޮތުން އެއްވެސް ހުރަހެއް ނެތް ކަމަށާއި އެ ލުއިތަށް ދިން ގޮތަށް މި ލުއިތަށް ވެސް ދެވޭނެ ކަމުގައެވެ.
ކުރީގެ ރައީސް ޔާމިން އެމަނިކުފާނު އަލަށް އުފައްދަވާ ޕީޕަލްސް ނެޝަނަލް ފްރަންޓް (ޕީއެންއެފް)ގެ އޮފީހަށް ވަޑައިގެންނެވި މައްސަލަ ބަލުމުންދާ ކަމަށްވެސް ކެރެކްޝަންސްއިން ބުނެފައިވެއެވެ. އެހެންނަމަވެސް އެމައްސަލަތަކާއި ގުޅުންހުރި އިތުރު މައުލޫމާތެއް ފަހުން ކަރެކްޝަންސްއިން ހާމަކޮށްފައެއް ނުވެއެވެ.
ކަރެކްޝަންސްގެ މީޑިއާ އޮފިސަރު ފަހުން ވިދާޅުވީ، ރައީސް ޔާމީންގެ ބަންދަށް ލުއިތަކެއް ހޯދުމަށް އެދިފައިވީނަމަވެސް، ނަމަވެސްޤާނޫނީ ފުށު އެރުންތަކެއް ހުރުމުން އިތުރު ލުއިތަކެއް ދެވެން ނެތްކަން އަންގާފައިވާ ކަމަށެވެ.
ޔާމީންގެ ބަންދަށް އެންމެ ފަހުން ލުޔެއް ދީފައިވަނީ ކުރީގެ ރައީސް، އިބްރާހިމް މުހައްމަދު ސޯލިހުގެ ވެރިކަމުގައެވެ.
ރައީސް ޔާމީންގެ މައްޗަށް 11 އަހަރުގެ ޖަލު ހުކުމެއް އިއްވާފައިވާއިރު، އެމަނިކުފާނުގެ ފަރާތްޕުޅުން ހުށަހަޅާފައިވާ އިސްތިއުނާފުގެ ޝަރީއަތް މިހާރު ވަނީ ނިމުމަކާއި ހަމައަށް އައިސްފައެވެ.
