ބޮލީވުޑްގެ ސްޕަސްޓާރު ޝާޙުރުކް ހާން އަށް މި އަހަރަކީ ވަރަށްވެސް ކާމިޔާބު އަހަރެކެވެ. އޭނާ ގެ ޖުމްލަ 3 ފިލްމް އެއް މިއަހަރު ވަނީ ރިލީޒް ވެފައިއެވެ. އަދި މި ތިން ފިލްމް އަކީ ވެސް ވަރަށް ކާމިޔާބު ތިން ފިލްމްއެކެވެ.
ފިލްމް ކުޅުމާއި ދުރުގައި ދުވަސްގަނޑެއް ވަންދެން ހުރުމަށް ފަހު އޭނާ އެނބުރި އައީ ވަރަށް ވަރުގަދަ ކޮންނެވެ. މިއަހަރުގެ ޖެނުއަރީ 25 ގައި ރިލީޒް ކުރި ފިލްމް "ޕަޓާން" އިން ޝާހު އެނބުރި ބޮޑު ސްކްރީނަށް އައި އިރުގައި، މި ފިލްމް ވެގެން ގޮސްފައި ވަނީ މި އަހަރުގެ އެންމެ ކާމިޔާބު އެއް ފިލްމްއަށެވެ.
ފިލްމް އަށް ވަނީ ބޮޑު އާމްދަނީއެއް ލިބިގެން ގޮސްފައއެވެ. އަދި ހަމަ އެއާއި އެކުގައި ވަނީ ބޮކްސް އޮފީހުގެ ރެކޯޑްތަކެއް ވެސް މުގުރައިލައިފައިއެވެ. މި ފިލްމް ވެގެން ގޮސްފައިވަނީ ބްލޮކްބަސްޓާއަކަށެވެ.
ދެވަނަ ފިލްމް އެއްގެގޮތުގައި ރިލީޒް ވީ ޖަވާން އަކީ ވެސް ވަރަށް ކާމިޔާބު ފިލްމްއެކެވެ. ފިލްމް ގައި ޝާހުގެ ޑަބަލް ރޯލެއް ފެނިގެންދިއަ އިރުގައި މި ފިލްމް އަކީވެސް ގިަ ރެކޯޑްތަކެއް މުގުރާލި ފިލްމްއެކެވެ.
ބޮކްސް އޮފީހުގައި ދުނިޔެއިން ވެސް ބޮޑު ކާމިޔާބެއް ހޯދި މި ފިލްމް ވެގެން ގޮސްފައިވަނީ މިއަހަރު ބޮލީވުޑްގައި ރިލީޒް ކުރި ފިލްމް ތަކުގެ ތެރެއިން އެންމެ ކާމިޔާބު އެއް ފިލްމްއަށެވެ. މި ފިލްމް ރިލީޒް ކޮށްފައިވަނީ ސެޕްޓެމްބަރު މަހުގެ 7 ވަނަ ދުވަހުގައިއެވެ.
މިހާރު ސިނަމާގައި ބޮޑު ކާމިޔާބެއް ހޯދަމުން އަންނަ ފިލްމް "ޑަންކީ" އަކީ ޝާހުގެ މިއަހަރު ގެ ތިންވަނަ ފިލްމްއެވެ. ވަރަށް ތަފާތު ރޯލަކުން ޝާހު ފެނިގެންދާ މި ފިލްމް އަކީ ވެސް ވަރަށް ކާމިޔާބު ފިލްމްއެކެވެ.
މި ފިލްމް އަކީ މިހާރު ސިނަމާގައި އޮތް ފިލްމްއެއް ކަމުން އަދިވެސް ފިލްމް އަށް ލިބޭ ތަރުހީބު ބޮޑުވެގެން ދާނެ ކަމަށް ބެލެވެއެވެ. ފިލްމް ރިލީޒް ކުރީ ޑިސެމްބަރު މަހުގެ 21 ވަނަ ދުވަހުގައިއެވެ.
އަހަރު ފެށި ޝާހުގެ ވަރަށް ކާމިޔާބު ފިލްމް އަކުންނެވެ. އަހަރު ނިންމީ ވެސް ޝާހުގެ ވަރަށް ކާމިޔާބު ފިލްމް އަކުންނެވެ. އެހެން ކަމުން މިއަަހަރަކީ ޝާހުއަށް ވަރަށް ކާމިޔާބު އަހަރެކެވެ.
