ބޮލީވުޑްގެ ސްޕަސްޓާރު ޝާހުރުކް ހާން ގެ ކުރިއަށް އޮތް ފިލްމު "ޑަންކީ" ގެ ޓްރެއިލާ ދުބާއީގައި ހުންނަ ދުނިޔޭގެ އެންމެ އުސް އިމާރާތް ކަމަށްވާ ބުރުޖް ޚަލީފާގައި ދައްކައިލައިފިއެވެ.
މިހާރަކަށް އައިސް ބުރުޖް ހަލީފާގައި ބޮލީވުޑްގެ މަޝްހޫރު ތަރިންގެ ޓްރެއިލާ ދައްކައިލައެވެ. އެންމެ ފަހުން ރިލީޒް ކުރީ ރަންބީރު ކަޕޫރު ގެ "އެނިމަލް"ގެ ޓްރެއިލާއެއް ވެސް ބްރުޖް ހަލީފާގައި ދައްކައިލިއެވެ.
މީ މިހާރު ވަރަށް ބޮޑަށް ޓަރެންޑް ވަމުން އަންނަ ކަމެކެވެ. އަނެއްކޮޅުން ދުބާއީ އަކީ ގިނަ އަދަދަކަށް އިންޑިއާގެ ރައްޔިތުން ދިރިއުޅެމުން އަންނަ ގައުމެކެވެ. އެެހެން ކަމުން ބޮލީވުޑްގެ ފިލްމް ތަކަށް އެގައުމުގައި އޮންނަ ޑިމާންޑް ވަރަށް ބޮޑެވެ.
މި ފިލްމް އަކީ ހިޖުރަ ކުރުމާއި ގުޅޭ ގޮތުން ހަދައިފައިވާ ފިލްމްއެކެވެ. "ޑަންކީ" އަކީ ކުޅަދާނަ ޑައިރެކްޓަރު ރާޖްކުމާރު ހިރާނީ ހަދާފައިވާ ސޯޝަލް ކޮމެޑީއެކެވެ. އޭނަ އަކީ "ސަންޖޫ" އާއި "ޕީކޭ" އާއި "3 އިޑިއަޓްސް" އަދި "މުންނާއީބާއީ" ގެނެސްދިން ޑައިރެކްޓަރެވެ.
View this post on Instagram
މި އަހަރުގެ އެންމެ އުންމީދީ ފިލްމުތަކުގެ ތެރޭގައި ހިމެނޭ "ޑަންކީ" ގައި ޝާހްރުކާ އެކީ ބަތަލާގެ ރޯލުން ފެންނާނީ ތާޕްސީ ޕައްނޫ އެވެ. ފިލްމުގެ އިތުރު ކާސްޓުންގެ ތެރޭގައި ވިކީ ކޯޝަލް، ބޮމަން އިރާނީ، ސަތިޝް ޝާހް އަދި ދަރުމެންދުރާ ހިމެނެ އެވެ.
