ބޮލީވުޑްގެ ހުނަރުވެރި އަދި ގިނަ ކާމިޔާބު ފިލްމް ތަކެއް ކުޅެފައިވާ ބަތަލާ ކާޖޮލްގެ ކްރަޝް އަކީ ކުރިން އެކުގައި ފިލްމް އެއް ކުޅެފައިވާ އެކްޓަރު އަކްޝޭ ކުމާރު ކަމަށް އޭނާ ބުނެފިއެވެ.
މިވާހަކަ ދައްކަމުން ކާޖޮލް ބުނީ އޭނާ އަށް އެންމެ ކަމުދާ އެއް ތަރި އަކީ ފިރިމިހާ އަދި އެކްޓަރު އަޖޭ ދޭވްގަން ނޫން ކަމަށެވެ. އަދި އަކްޝޭ އަކީ އޭނާ ގެ ކްރަޝް ކަމަށް ވަނީ ބުނެފައިއެވެ.
1991 ވަނަ އަހަރު ނުކުތް "ހީނާ" ފިލްމުގެ ޕްރިމިއާއަށް ގޮސް ހުއްޓައި، އެތަނުން އަކްޝޭ ފެނިގެން ކާޖޮލް އަށް ވަރަށް ވަރު ވިކަމަށް ވެއެވެ. އަދި ވާހަކަ ދައްކައިލަން ބޭނުންވި ކަމަށްވެސް ބުންޔެވެ. އަކްޝޭ ފަހަތުން ދުއްވި ކަމަށާއި، އެހެނަސް އަކްޝޭއާ ވާހަކަ ދެއްކޭގޮތް ނުވި ކަމަށް ބުންޏެވެ.
އެދެމީހުން އެކުގައި ވަނީ 1994 ވަނަ އަހަރު އެކުގައި ފިލްމް އެއް ކުޅެފައިއެވެ. އެއީ "ޔޭ ދިލް ލަގީ" އެވެ. އެ ފިލްމްގައި އަކްޝޭ އާއި ކާޖޮލް ގެ އިތުރުން ފެނިގެންދިއައީ ސައިފް އަލީހާންއެވެ.
ކާޖޮލް، އަޖޭއާ ކައިވެނިކުރީ އޭގެ ފަސް އަހަރު ފަހުން، 1999 ގައެވެ. އެކައިވެނިން ވަނީ ދެ ކުދިންވެސް ލިބިފައިއެވެ. އެއީ މިހާރު ޒުވާން އުމުރު ގުނަމުން އަންނަ ނިސާ އާއި ޓިނޭޖްގެ އުމުރު ގުނަމުން އަންނަ ޔުގްއެވެ.
