އެމަނިކުފާނު ރައްޔިތުންނާ ގިނަގިނައިން ބައްދަލުކުރައްވާނެކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.
ރޭ ބޭއްވި ކަންގަތި އެވޯޑު ހަފްލަގައި ވާހަކަފުޅު ދައްކަވަމުން ރައީސް ޑރ. މުޢިއްޒު ވިދާޅުވީ، ދިވެހި ޢާއިލާގެ ހުރިހާ މެންބަރުން އެމަނިކުފާނަށް ހަމަހަމަކަމަށެވެ. އެމަނިކުފާނު މަސައްކަތް ކުރައްވާނީ ރައްޔިތުންގެ އަޑުއަހައިގެން، ރައްޔިތުންނާ ގާތުންކަމަށް ރައީސް ވިދާޅުވިއެވެ.
ރައީސް ވިދާޅުވީ އެމަނިކުފާނު ރައްޔިތުންނާ ގިނަގިނައިން ބައްދަލުކުރައްވާ، ހާލުއަހުވާލު ބައްލަވާނެކަމަށެވެ.
މި ސަރުކާރުގެ ވަޒީރުންވެސް، ކުންފުނިތަކުގެ ވެރިންވެސް މިގޮތަށް ޢަމަލު ކުރައްވާނެ. މިގޮތުން، ރައްޔިތުންގެ ހާލު ބެއްލެވުމަށްޓަކައި، މި ހަފުތާ ބަންދުގައި ރާއްޖޭގެ ހުރިހާ ރަށަކަށް ދައުލަތުގެ ވަޒީރު ބޭފުޅުންނާއި، ކުންފުނިތަކުގެ މަސްއޫލުވެރިން ހިމެނިވަޑައިގަންނަވާ ގޮތަށް ރައްޔިތުންގެ އަރިހަށް ވަފުދުތައް ދަތުރުކުރާނެ.
– ރައީސް ޑރ. މުޢިއްޒު ވިދާޅުވިއެވެ.
ރައީސް ވިދާޅުވީ އެމަނިކުފާނު ބޭނުންފުޅުވަނީ ދެފުށްފެންނަ ސަރުކާރެއްކަމަށެވެ.
އޭގެ ޙަޤީޤީ މާނައިގައި. ހަފުތާ 14ގެ ތެރޭގައި، ރައްޔިތުންގެ ސުވާލުތަކަށް ޖަވާބު ދިނުމަށް ޕަބްލިކް ފޯރަމްތަކެއް ބާއްވަން އިރާދަކުރެއްވިއްޔާ އަޅުގަނޑު ފަށާނަން. މިއީ ކޮންމެ ތިން މަހުން އެއްމަހު އޮންނާނެ ޕްރޮގްރާމެއް. ފުރަތަމަ ފޯރަމް، ފެބުރުވަރީ މަހުގެ ތެރޭގައި އޮންނާނެ. އަދި ވަޒީރުންވެސް މިފަދަ ފޯރަމްތަކެއް، ކޮންމެ ދެ މަހުން އެއްމަހު ބާއްވާނެ. ފުރަތަމަ ފޯރަމް، ޖަނަވަރީ މަހުގެ ތެރޭގައި އޮންނާނެ.
– ރައީސް ޑރ. މުޢިއްޒު ވިދާޅުވިއެވެ.
ރައީސް މީގެ ކުރިން ވަނީ އެމަނިކުފާނު އެންމެ ފުރަތަމަ ވަޑައިގަންނަވާނީ ތ.ގުރައިދޫއަށްކަމަށް ވިދާޅުވެފައެވެ. އެއީ އެންމެ ގިނަ ވޯޓު ނުވަތަ އިންސައްތައިން އެންމެ މަތިން ލިބިވަޑައިގެންނެވި ރަށްކަމަށްވާތީކަމަށް ރައީސް ވިދާޅުވެފައިވެއެވެ.
3 Responses
ބަހާއަމަލާއެއްގޮތްބޭފުޅެއްނޫން މުއީޒް އެއީ
އެއްމެންހަމަހަމައެއްނުވާނެތިޔައީޢުމަރުބުނުލޚައްތާބުތަ
ދޮގެއް ދޮގެއް ރަށްޔިތުންގެ ހާލުބެލުމަކަށްނޫން މަޖުލިސް އިންތިޚާބަށް ކެމްޕެއިން ކުރުމަށް ވަރަށް ވަރަށް ސާފް