ބޮލީވުޑްގެ ބަތަލާ ރަވީނާ ޓަންޑަންގެ އާ ސީރީޒް "ކަރްމާ ކޯލިން" ގެ ޓީޒާ އެއް ބެލުންތެރިންނަށް ދައްކައިލައިފިއެވެ.
ރަވިނާ ގެ ދެވަނަ ވެބް ސީރީޒް އަކީ އޭބީސީ ނެޓްވޯކުން ގެނެސްދިން އެމެރިކާގެ މަގުބޫލު ސީރީޒް "ރިވެންޖް" އަސްލަކަށް ބަލައިގެން ހަދާފައިވާ އެއްޗެކެވެ. ހިންދީ ސީރީޒް ޑައިރެކްޓްކުރީ ރުޗީ ނަރައިން އެވެ. "ރިވެންޖް" އަކީ ހަތަރު ސީޒަނަކަށް 2011.2015 އަށް ގެނެސްދިން ސީރީޒެކެވެ. އެގޮތުން އޭގެ 89 އެޕިސޯޑް ގެނެސްދީފައިވެ އެވެ.
51 އަހަރުގެ ބަތަލާ އައު ސީރީޒް އަކުން ބެލުންތެރިންނާ ބައްދަލުކުރަން ތައްޔާރުވަމުން އަންނަ އިރު، އޭނަ ކުރިން ވެސް ވެބް ސީރީޒެއްގައި މަސައްކަތްކޮށްފައިވެ އެވެ. އެއީ 2021 ގައި ނެޓްފްލިކްސް އިން ގެނެސްދިން ކްރައިމް ތުރިލާ "އަރަނިއަކް" އެވެ.
View this post on Instagram
ރަވީނާ އަކީ 90 ގެ ތެރޭގައި ބޮލީވުޑްގައި އެންމެ ވިދި އެއް ބަތަލާ އެވެ. އޭނަގެ ރަންޒަމާނުގައި ކާމިޔާބު ވަރަށް ގިނަ ފިލްމުތަކެއް ކުޅުނެވެ. މިހާރު ވަރަށް މަދުން ފިލްމުތަކުން ފެންނަ ބަތަލާގެ އެންމެ ފަހުގެ ފިލްމަކީ މި އަހަރުގެ ޖުލައިގައި ޖިއޯ ސިނެމާ އިން ގެނެސްދިން "ވަން ފްރައިޑޭ ނައިޓް" އެވެ.
