ބޮލީވުޑްގެ ބަތަލާ ޕޫޖާ ހޭގްޅޭ އަށް މަރުގެ އިންޒާރު ދީފައިވާ ކަމަށް އިންޑިއާގެ ނޫސްތަކުން ބުނެފި އެވެ.
ޕޫޖާއަށް މަރުގެ އިންޒާރު ދިނީ ދުބާއީގެ ނައިޓް ކްލަބެއް ހުޅުވަން ބޭއްވި ރަސްމިއްޔާތެއްގެ ތެރެއިން ކަމަށް މީޑީއާއިން ބުނެއެވެ. މި ރަސްމިއްޔާތުގެ ތެރެއިން ޕޫޖާ އާއި އެތަނަށް ގޮސް ތިބި އެހެން ބަޔަކާ ދެމެދު ހިނގި ހޫނު އަރާރުންވުމެއްގެ ތެރެއިން ޕުޖާ އަށް މަރުގެ އިންޒާރު ދީފައި ވާކަމަށް ވެއެވެ.
މި ހާދިސާގެ ބައެއް ފޮޓޯއާއި ވީޑީއޯ ވަނީ ސޯޝަލް މީޑީއާގައި ވައިރަލް ވެފައިއެވެ. މިކަމާއި ބެހޭގޮތުން މިހާތަނަށް ޕޫޖާ އަދި އެއްވެސް އެއްޗެއް ބުނެފައިއެއް ނުވެއެވެ.
View this post on Instagram
ޕޫޖާ އަކީ ސައުތުގެ މަޝްހޫރު ބަތަލާއެކެވެ. އޭނާ ވަނީ ސަލްމާން ހާން އާއި އެކުގައި ބޮލީވުޑްގެ ފިލްމްއެއްގައި މަސައްކަތް ކޮށްފައިއެވެ. އެ ފިލްމް އަކީ އޭނާ ބޮލީވުޑްއަށް ތައާރަފްވި ފިލްމްއެވެ. އެއީ މިއަހަރު ރިލީޒްކުރި "ކިސީކާ ބައި ކީސީކާ ޖާން" ފިލްމްއެވެ.
