ވެރިކަން ކުރާ ޕީޕަލްސް ނެޝަނަލް ކޮންގްރެސް، ޕީއެންސީ އަށް 10،000 މެމްބަރުން ހަމަވެ، ދައުލަތުގެ ފައިސާ ލިބޭ ލިސްޓަށް އެ ޕާޓީ އަރައިފިއެވެ. ސިޔާސީ ޕާޓީއަށް ދައުލަތުގެ ބަޖެޓުން ފައިސާ ލިބޭނީ 10،000 މެންބަރުން ހަމަވާނަމަ ކަމަށް ޤާނޫނު ބަޔާންކުރެއެވެ.
އިލެކްޝަންސް ކޮމިޝަންގެ ނައިބު ރައީސް އިސްމާއިލް ހަބީބް ވިދާޅުވީ، އަންނަ އަހަރުގެ ދައުލަތުގެ ބަޖެޓު އިއްޔެ ފާސްކުރި ދުވަހާ ހަމައަށް، 10،000 މެމްބަރުން ހަމަވަނީ 6 ޕާޓީއެއްގައި ކަމަށެވެ.
10،000 މެންބަރުން ހަމަވާ ސިޔާސީ ޕާޓީތައް:
– އެމްޑީޕީ
– ޕީޕީއެމް
– ޖުމްހޫރީ ޕާޓީ
– އަދާލަތު ޕާޓީ
– އެމްޑީއޭ
– ޕީއެންސީ
މި ސަރުކާރު އާއިރު ޕީއެންސީގައި ތިބީ 3900އެއްހާ މެންބަރުންނެވެ. ނަމަވެސް ސަރުކާރު ހިންގާ ޕާޓީން ވަނީ ދައުލަތުގެ ބަޖެޓު ހަމަވުމުގެ ކުރިން 10000 މެންބަރުން ހަމަކުރުމަށް ޚާއްސަ އިސްކަމެއް ދީފައެވެ. އެޕާޓީއަށް ކައުްސިލްތަކާއި ޢާންމުން އަންނަނީ ގުޅެމުންނެވެ.
ޕާޓީތަކަށް ދޫކުރާ ފައިސާގެ ޢަދަދު އަދި ހާމަކޮށްފައެއް ނުވެއެވެ.
