ބޮލީވުޑްގެ ޒުވާން ތަރިން ކަމަށްވާ ކާތިކް އާރިއަނާއި ސާރާ އަލީ ޚާން ފިލްމް އަކަށް އެއްބަސް ވެފައިވާ ކަމަށް ހަބަރުތަށް ބުނެފިއެވެ.

އެކީގައި ފިލްމެއް ކުޅުމަށް ފަހު ރުޅިވި، މި ދެލޯބިވެރިން ކުޅުމަށް ނިންމައިފައިވާ ފިލްމް އަކީ، ބޮޑު ކާމިޔާބީއެއް ހޯދި ކާތިކްގެ ހޮރޯ-ކޮމެޑީ "ބޫލް ބުލައްޔާ 2″ ގެ ތިން ވަނަ ބައި ކަމުގައިވާ "ބޫލް ބުލައްޔާ 3″ އެވެ.

ނަމަވެސް ރަސްމީ ފަރާތަކުން އަދި މި ހަބަރު ހަށަވަރު ކޮށްދީފައިއެއް ނުވެއެވެ. މި ދެތަރިން އެކުގައި ފިލްމް އެއް ކުޅޭނަމަ މީ އެމީހުން އެކުގައި ރުޅިވި ފަހުން ފެނިގެންދާ ފުރަތަަމަ ފަހަރަށް ވެގެންދާނެއެވެ.

 

View this post on Instagram

 

A post shared by Sara Ali Khan (@saraalikhan95)

ކާތިކާއި ސާރާ އެކީގައި ކުޅުނު ފުރަތަމަ ފިލްމަކީ ޑައިރެކްޓަރު އިމްތިއާޒް އަލީ 2020 ގައި ގެނެސްދިން "ލަވް އާޖް ކަލް" އެވެ. އެ ފިލްމު ކުޅުނު ދުވަސްވަރު ދެ ތަރިން ވަރަށް ސީރީއަސް ލޯބީގެ ގުޅުމެއް ބޭއްވި އެވެ.

ނަމަވެސް އެފިލްމް ވެގެން ދިއައީ ފްލޮޕް އަކަށެވެ. އެއާއި އެކުގައި އެމީހުންގެ ލޯބި ވެސް ފްލޮޕް އަކަށް ވެގެން ގޮސް ދެމީހުން އެކަކު އަނެއްކައީ ދުރުންދުރުން އުޅެން ފެށިއެވެ.

 

View this post on Instagram

 

A post shared by KARTIK AARYAN (@kartikaaryan)

"ބޫލް ބުލައްޔާ 3″ ގެ ބަތަލާއަކަށް ރޯލާ ސާރާ ނެގުމަށް ފަހު އަންނަ އަހަރުގެ ފެބްރުއަރީ މަހުގެ ތެރޭގައި ފިލްމުގެ ޝޫޓިން ފެށުމަށް ތައްޔާރުވަމުން ކަމަށެވެ. ބުޝަން ކުމާރުގެ ޓީ ސީރީޒުން ޕްރޮޑިއުސްކުރާ މި ފިލްމުގެ ޑައިރެކްޓަރަކީ އަނީސް ބަޒްމީ އެވެ. މި ފިލްމަކީ އަންނަ އަހަރުގެ ނޮވެމްބަރުގައި ރިލީޒްކުރާ ގޮތަށް ޕްލޭންކޮށްފައި އޮތް ފިލްމެކެވެ.