ބޮލީވުޑްގެ ތަރި، ދީޕިކާ ޕަޑުކޯން ޕްރޮޑިއުސްކުރާ ދެވަނަ ފިލްމަކީ  ހޮލީވުޑްގެ ފިލްމު "ދި އިންޓާން" ގެ ހިންދީ ރިމޭކް އެއް ކަމަށް ރިޕޯޓްތަށް ބުނެފިއެވެ.

މި ފިލްމްގެ ޕްރޮޑިއުސަރެއްގެ އިތުރުން ފިލްމް ގެ ލީޑުން ވެސް ދީޕިކާ ފެނިގެންދާ މި ފިލްމް އަކީ ދީޕިކާ ޕްރޮޑިއުސް ކުރާ ދެވަނަ ފިލްމްއެވެ. މީގެ ކުރިން ވެސް އޭނާ ވަނީ ޕްރޮޑިއުސް ކޮށް އަމިއްލަ އަށް ލީޑު ކުޅެގެން ފިލްމް އެއް ގެނެސްދީފައިއެވެ.

"ދި އިންޓާން" ގެ ހިންދީ ރިމޭކް ޑައިރެކްޝަން ހަވާލުކޮށްފައި ވަނީ 2018 ގެ "ބަދާއީ ހޯ" ގެނެސްދިން އަމިތު ޝަރުމާއާ އެވެ. ދީޕިކާގެ އަމިއްލަ ޕްރޮޑަކްޝަން ހައުސް، ކާ ޕްރޮޑަކްޝަންގެ ދަށުން އުފެއްދި ފުރަތަމަ ފިލްމަކީ 2020 ވަނަ އަހަރު ގެނެސްދިން "ޗަޕާކް" އެވެ.

 

View this post on Instagram

 

A post shared by दीपिका पादुकोण (@deepikapadukone)

އެއީ 2021 ވަނަ އަހަރު ދީޕިކާ އިއުލާންކުރި ފިލްމެކެވެ. މި ފިލްމުގައި ދީޕިކާއާ އެކީ އެންމެ މުހިއްމު ރޯލެއް ކުޅޭނީ އަމީތާބް ބައްޗަނެވެ. "ދި އިންޓާން" އެންމެ ފުރަތަމަ އިއުލާންކުރީ ދީޕިކާ އާއި ރިޝީ ކަޕޫރް ކުޅޭ ގޮތަށެވެ. ނަމަވެސް ފަހުން ފިލްމަށް އަމީތާބް ނެގީ 2020 ގެ ކުރީކޮޅު ރިޝީ، ލޭގެ ކެންސަރު ބަލީގައި މަރުވުމާ ގުޅިގެންނެވެ.

ރިޕޯޓްތައް ބުނި ގޮތުގައި، ދީޕިކާ ޕްރޮޑިއުސްކޮށް އަދި އޭނާ ލީޑު ރޯލެއް ވެސް ކުޅޭ މި ފިލްމުގެ ސްކްރިޕްޓުގެ މަސައްކަތް މިހާރު އޮތީ ނިމިފަ އެވެ. އަދި ކާސްޓުން ވެސް ހަމަޖައްސައި އަންނަ އަހަރު ކުރީކޮޅުގައި ޝޫޓިން ފަށަން އަންނަނީ ތައްޔާރުވަމުންނެވެ.