70 ގެ ތެރޭގައި އެންމެ ގަދަ އަށް ފިޔަ ޖެހި ބަތަލާއިންގެ ތެރޭގައި ހިމެނޭ ރާކީ ގުލްޒާރް އަނެއްކައިވެސް ފިލްމް އެއް ކުޅެން ތައްޔާރު ވެއްޖެއެވެ.
އުމުރުން 76 އަހަރުގެ ބަތަލާ ސޮއިކޮށްފައި ވަނީ "އަމަރު ބޮސް" ކިޔާ ބެންގާލީ ފިލްމަކަށެވެ. މި ފިލްމްގެ ޝޫޓިން އާ އަހަރުގެ ކުރީކޮޅުގައި ފެށުމަށް ހަމަޖެހިފައިވާ ކަމަށް ވެއެވެ. މީގެ ޑައިރެކްޓަރުންނަކީ ނަންދިތާ ރޯއި އާއި ޝިބޯޕްރަޒސާދު މުކަރްޖީ އެވެ.
ފިލްމީ ހަބަރުތަށް ގެނެސްދޭ ނޫސްތަކުން ބުނާގޮތުގައި މި ފިލްމްގައި ރާކީ ކުޅޭނީ މެއިން ކެރެކްޓާއެވެ. ރާކީ އަކީ ހިންދީ ސިނަމާގައި 70 ގެ އަހަރުގެ ތެރޭގައި އެންމެ ގަދައަށް ވިދާލި އެއް ބަަތަލާއެވެ.
ކާމިޔާބު އެތައް ފިލްމެއް ކުޅެފައިވާ ބަތަލާ، ބެންގާލީ ފިލްމަކަށް ސޮއިކުރި އިރު، އޭނަ އެންމެ ފަހުން ކުޅުނީ ވެސް ބެންގާލީ ފިލްމެކެވެ. އެއީ 2019 ގެ "ނިރުބާން" އެވެ.
https://www.youtube.com/watch?v=DQcNPteZTkI
ރާކީގެ ފިލްމަކަށް އެންމެ ފަހުން ސިނަމާތަކަށް އައީ 2003 ގެ ބެންގާލީ މިސްޓްރީ ތުރިލާ "ޝުބޯ މަހޫރަތު" އެވެ. އެ ފިލްމުން އޭނަ އަށް އެންމެ މޮޅު ސަޕޯޓިން ބަތަލާގެ ނެޝަނަލް އެވޯޑް ވެސް ލިބުނެވެ.
