2011 ވަނަ އަހަރު ގެނެސްދިން ކާމިޔާބު ފިލްމް "ތަންނޫ ވެޑްސް މަންނޫ" އިން ފެނިގެންދިއަ ދެ ތަރިން ކަމުގައިވާ އާރް މާދަވަން އާއި ކަންގަނާ ރަނާވަތު އެކުގައި ދެވަނަ ފިލްމް އެއް ގެ މަސައްކަތް ފަށައިފިއެވެ.
"ތަންނޫ ވެޑްސް މަންނޫ" އަކި ބޮކްސް އޮފީހުގައި ބޮޑު ކާމިޔާބެއް ލިބުނު ފިލްމްއެކެވެ. މި ފިލްމް އަކީ ބެލުންތެރިންގެ ބޮޑު ތަރުހީބެއް ލުބުނު ފިލްމްއެއް ގެ އިތުރުން މިއަދުވެސް ވަރަށް ގިނަ ބައެއް ބަލާ ފިލްމްއެކެވެ.
ނަން އަދި އިއުލާން ނުކުރާ މި ފިލްމުގެ ޝޫޓިން އިއްޔެ ރަސްމީކޮށް ޗެންނާއީގައި ފަށައި ދިނީ މަޝްހޫރު ތަރި، ރަޖްނީކާންތެވެ. މީގެ ވާހަކަ ކަންގަނާ ވަނީ ސޯޝަލް މީޑިއާގައި ހިއްސާ ކޮށްފައިއެވެ.
Today in Chennai we started filming our new film, a psychological thriller.
Other details coming soon.
For now need all your support and blessings for this very unusual and exciting script 🙏 pic.twitter.com/GERsIYLsR7— Kangana Ranaut (@KanganaTeam) November 18, 2023
މީގެ ވާހަކަ ސޯޝަލް މީޑިއާގައި ހިއްސާކޮށް ކަންގަނާ ބުނީ މިއީ ވަރަށް ތަފާތު ސްކްރިޕްޓަކަށް ހަދާ ތުރިލާއެއް ކަމަށާއި ފިލްމާ ބެހޭ އިތުރު މައުލޫމާތު ވަރަށް އަވަހަށް އާންމުކުރާނެ ކަމަށެވެ.
ކަންގަނާ އާއި މާދްވަން އެކީގައި ކުޅުނު "ތަނޫ ވެޑްސް މަނޫ" 2011 ގައި ގެނެސްދިނުމަށް ފަހު، އޭގެ ދެވަނަ ބައި "ތަނޫ ވެޑްސް މެނޫ ރިޓާންސް" ރިލީޒްކުރީ 2015 ގަ އެވެ. ކަންގަނާ ޑަބަލް ރޯލެއް ކުޅުނު ސީކްއެލް އަކީ އޭނަ އަށް މޮޅު ބަތަލާގެ ދެވަނަ ނެޝަނަލް އެވޯޑް ވެސް ލިބުނު ފިލްމެވެ.
