ފުވައްމުލަކަށް އުފަން މަޝްހޫރު ވިޔަފާރަވެރިޔާ މުހައްމަދު އަސްލަ ކުރިޔަށް ރައްޔިތުންގެ މަޖިލިހުގެ އިންތިޚާބުގެ ޕީޕީއެމް/ޕީއެންސީގެ ޓިކެޓަށް ވާދަކުރަން ނިންމައިފިއެވެ. އޭނާ ވާދަކުރައްވަން ނިންމާފައިވަނީ ރައްޔިތުންގެ މަޖިލިހުގެ ތ. ކިނބިދޫ ދައިރާއަށެވެ.
މަޖިލިހުގެ ޕީޕީއެމް/ޕިއެންސީގެ ޕްރައިމަރީގައި ވާދަކުރަން ނިންމާފައިވާކަން އިއުލާން ކުރައްވަމުން ކުރެއްވި ޕޯސްޓެއްގައި އޭނާ ވިދާޅުވެފައިވަނީ ތ. ކިނބިދޫ ދާއިރާ ރައްޔިތުންގެ މަޖުލީހުގެ ޕީޕީއެމް/ޕީއެންސީ ޓިކެޓަށް ވާދަކުރައްވަން އޭނޭ ނިއްމެވީ އެދާއިރާ ރަށްތަކުގެ ފޮނި އުއްމީދުތަކާއި ހުވަފެންތައް މިސަރުކާރާ ގުޅިގެން ހަޤީގަތައް ހަދައި ދެވޭނެކަމުގެ ފުރިހަމަ ޔަޤީން ކަމާއި ފުރިހަމަ އިތުބާރު އޮތަތީވެ ކަމުގައެވެ.
އަދި އޭނާ ވިދާޅުވެފައިވަނީ އޭނާއަކީ އަމަލީ މަސައްކަތުގެ ތަރުޖިބާއި ފަންނު ހުރިމީ މީހަކައްވާތީވެ، އަބަދުވެސް އޭނާ އިސްކުރާނީ ގައުމުގެ މަސްލަހަތު ކަމަށާއި، އިއްވާނީ ދާއިރާ ރައްޔިތުންގެ އަޑު ކަމަށެވެ. އަދި އޭނާ އަބަދުވެސް ދެމިހުންނާނީ ދާއިރާގެ ރައްޔިތުންނާ އެކީކަމަށް ވިދާޅުވަމުން އޭނާވަނީ ރައްޔިތުންނަށް ޚިދުމަތް ކުރުމުގެ ފުރުސަތު ދެއްވުމަށް ދާއިރާގެ ރައްޔިތުންގެ ކިބައި އެދިފައެވެ.
އަސްލަމްއަކީ ޕީޕީއެމް ޕީއެންސީގެ ސިޔާސީ ހަރަކާތްތަކުގައި ވަރަށް އިސްދައުރެއް އަދާކޮށްފައިވާ ފަރާތެއްކަން ފާހަގަ ކޮށްލެވެއެވެ.
ކުރިއަށް އޮތް ރައްޔިތުންގެ މަޖިލިހުގެ އިންތިހާބުގައި ޕީޕީއެމް/ޕީއެންސީގެ ފަރާތުން ވާދަކުރާނޭ ކެންޑިޑޭޓުން ކަނޑައެޅުމަށް ބާއްވާ ޕްރައިމަރީ އަންނަ ޖެނުއަރީ މަހުގައި ބާއްވަން އެ ދެ ޕާޓީން ވަނީ ނިންމާފައެވެ.
ޕީޕީއެމް/ޕީއެންސީން ބުނީ ޕްރޮގްރެސިވް ކޯލިޝަންގެ ޓިކެޓަށް ޝައުގުވެރިވާ ޕީޕީއެމް/ޕީއެންސީގެ މެމްބަރުން އެކަމަށް އެދި ހުށަހެޅުމުގެ ފުރުސަތު އަންނަ މަހުގެ 20 އިން ފެށިގެން 31 ގެ ނިޔަލަށް ހުޅުވާލާ ގޮތަށް ހަމަޖައްސާފައިވާ ކަމަށެވެ.
އެ އިންތިހާބު ބޭއްވުމަށް ހަމަޖެހިފައި ވަނީ ޖެނުއަރީ 20 ގައެވެ.
ކުރިއަށް އޮތް ރައްޔިތުންގެ މަޖިލިހުގެ އިންތިހާބުގައި ޕީޕީއެމް/ޕީއެންސީން ވާދަ ކުރުމަށް ކެންޑިޑޭޓުން ނެރޭނީ ދެ ޕާޓީ އެކުގައި އެއް ކޯލިޝަނަކުން ކަމަށް ވެސް ދެޕާޓީން ބުނެފައި ވެއެވެ.
ޕީޕީއެމް/ޕީއެންސީގެ ރިޔާސީ ޓިކެޓުގައި ދާއިރާތަކަށް ކުރިމަތިލުމުގެ ޝައުގުވެރިކަން ގިނަ ބަޔަކު ވަނީ ފާޅުކޮށްފަ އެވެ. ޕްރައިމަރީގައި .ވާދަކުރާނެކަން އިއުލާނުކޮށް ބައެއް ކެންޑިޑޭޓުން މިހާރު ވެސް ގެންދަނީ ކެމްޕެއިން ކުރަމުންނެވެ.
ކޮމެންޓު ފޮނުވާ