ކޮމިޝަނާ އޮފް ޕްރިޒަންސްގެ މަގާމަށް ހަސަން ޒަރީރު ރައީސް މުއިއްޒު މިއަދު އައްޔަންކުރައްވައިފިއެވެ.

އެ މަގާމަށް ހަސަން ޒަރީރު އައްޔަން ކުރެއްވުމަށްފަހު ރައީސް މުއިއްޒުވަނީ އޭނާއަށް މަގާމުގެ ފަތްކޮޅު މިއަދު އަރުވާފައެވެ. ކޮމިޝަނަރ އޮފް ޕްރިޒަންސްގެ މަގާމް ހުސްވެފައިވަނީ އެ މަގާމްގައި ހުންނެވި އަހުމަދު މުހައްމަދުފުޅު ފާއިތުވި ހޮނިހިރު ދުވަހު އިސްތިއުފާ ދެއްވުމާއި ގުޅިގެންނެވެ.

މީގެ އިތުރުންވެސް ރައީސް މުއިއްޒުވަނީ މިއަދުވެސް ސްޓޭޓް މިނިސްޓަރުންގެ ފެންވަރުގައި އިތުރު 3 ބޭފުޅަކު ހަމަޖައްސަވާފައެވެ. އެބޭފުޅުންނަކީ

1. މިނިސްޓަރ އޮފް ސްޓޭޓް ފޯ ފޮރިން އެފެއާޒް- މުހައްމަދު ފަހުމީ ހަސަން

2. މިނިސްޓަރ އޮފް ސްޓޭޓް ފޯ ސްޕޯޓްސް، ފިޓްނަސް އެންޑް ރެކްރިއޭޝަން- އިބްރާހިމް އާމިރު

3. ރައީސްގެ ރަސްމީގޭގެ ސްޓޭޓް މިނިސްޓަރ- އަލްއުސްތާޛާ ފާޠިމަތު ޝަމްނާޒް ޢަލީ

ކޮމިޝަނަރ އޮފް ޕްރިޒަންސްގެ މަގާމަސް ޒަރީރު އައްޔަން ކުރައްވާފައިވަނީ ސްޓޭޓް މިނިސްޓަރުގެ ފެންވަރުގައެވެ.