ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ހަވާލުކުރެއްވި ޒިންމާ ތެދުވެރިކަމާއި އިޚްލާސްތެރިކަމާއެކު އަދާކުރައްވާނެކަމުގެ ޔަޤީންކަން އައު ސަރުކާރުގެ ޓޫރިޒަމް މިނިސްޓަރ އިބްރާހީމް ފައިސަލް ދެއްވައިފިއެވެ. އެ ޔަޤީންކަން ދެއްވީ ކުރެއްވި ޓްވީޓެއްގައެވެ.
މިނިސްޓަރ ފައިސަލް ވިދާޅުވީ، ރައީސް ޑރ. މުޙައްމަދު މުޢިއްޒު އެމަނިކުފާނަށް ކުރެއްވި އިތުބާރަށް ޝުކުރު އަދާކުރާކަމަށެވެ. އަދި ރައީސް މުޢިއްޒު ހަވާލުކުރެއްވި ޒިންމާ އިކްލާސްތެރިކަމާއެކު އަދާކުރައްވާނެކަމުގެ ޔަޤީންކަން ފައިސަލް ވަނީ ދެއްވާފައެވެ.
– އިބްރާހީމް ފައިސަލް ވިދާޅުވިއެވެ.
އަލަށް ޓޫރިޒަމް މިނިސްޓަރުކަމާ ހަވާލުވެވަޑައިގެންނެވި ފައިސަލާމެދު ސިނާޢަތުގެ ފަރަތްތަކުން ކުރާ އުންމީދު ބޮޑެވެ. ފައިސަލް ވަނީ ޓޫރިޒަމަށް ބޭނުންވާ ބަދަލު ގެންނަވާނެކަމަށް ވިދާޅުވެފައެވެ. އެކަމަށް އެންމެ މުހިންމީ ވެލާނާ އިންޓަރނޭޝަނަލް އެއަރޕޯޓް ތަރައްޤީކުރެއްވުންކަމަށާއި، އެކަމަށް ޑރ. މުޢިއްޒު ޚާއްޞަ އިސްކަމެއް ދެއްވާނެކަމަށް ވިދާޅުވެފައިވެއެވެ.
އިބްރާހީމް ފައިޞަލް މަތީ ތަޢުލީމު ޙާޞިލްކުރައްވާފައިވަނީ މެލޭޝިއާގެ ވެސްޓްމިންސްޓަރ އިންޓަނޭޝަނަލް ކޮލެޖުންނެވެ. އެއީ ބިޒްނަސް ސްޓަޑީޒްގެ ދާއިރާއިންނެވެ. ސަރުކާރުގެ ޚިދުމަތުގައި އެމަނިކުފާނު ފުރަތަމަ މަސައްކަތްކުރެއްވީ ފުލުހުންގެ އިދާރާގައެވެ. އޭގެފަހުން، މިނިސްޓްރީ އޮފް ޔޫތު އެންޑް ސްޕޯޓްސްގެ ޑިޕިއުޓީ މިނިސްޓަރކަމުގެ މަގާމު 2013 ވަނަ އަހަރުން 2015 ވަނަ އަހަރަށް އަދާކުރެއްވިއެވެ. އަދި 2015 ވަނަ އަހަރުން ފެށިގެން 2018 ވަނަ އަހަރަށް އެމަނިކުފާނުވަނީ މެލޭޝިއާގައި ހުންނަ ދިވެހިރާއްޖޭގެ ހައިކޮމިޝަންގެ އެޑިޝަނަލް ސެކްރެޓަރީގެ މަގާމުގައި ޚިދުމަތްކުރައްވާފައެވެ.
