އިންތިގާލީ އިންސާފުގެ އޮމްބަޑްސްޕަރސަންގެ އޮފީހުގެ މުއްދަތު ހަމަވެގެން އެ އޮފީސް އުވާލާ، ލިޔެކިޔުންތައް ފިނޭންސްއާއި ހަވާލުކުރަން އަންގައިފިއެވެ.
ފިނޭންސް މިނިސްތްރީން ކުރި އިއުލާނެއްގައި ބުނެފައިވަނީ، އިންތިގާލީ އިންސާފުގެ ގާނޫނުގައި ވާގޮތުން އެގާނޫނުން އުފެއްދި އޮފީހުގެ މުއްދަތު އިއްޔެއަށް ހަމަވެފައިވާ ކަމުގައެވެ. އަދި އެ އޮފީސް އުވިގެންދާއިރު އޮފީހުގައި ހުރި ހަރުމުދަލެއްވިއްޔާ އެތަކެއްޗާއި ލިޔެކިޔުންތައްވެސް ފިނޭންސް މިނިސްޓްރީއާއި ހަވާލު ކުރުމަށްވެސް ފިނޭންސް މިނިސްޓްރީން އަންގާފައި ވެއެވެ.
އިންތިޤާލީ އިންސާފުގެ އޮމްބަޑްސްޕަރސަންގެ އޮފީހަށް ހުށަހެޅޭގޮތަށް ހަމަޖައްސާފައި އޮތީ އިންތިޤާލީ އިންސާފުގެ ޤާނޫނުގައި ބަޔާންކޮށްފައިވާ ފަދައިން 1 ޖަނަވަރީ 1953 އިން ފެށިގެން 17 ނޮވެމްބަރު 2018 އާ ހަމައަށް ދައުލަތުގެ މުއައްސަސާއަކުން ނުވަތަ ދައުލަތުގެ މުއައްސަސާއެއްގެ އިސް ހިންގުންތެރިއެއްގެ ގޮތުގައި މަސައްކަތްކުރި ފަރާތަކުން ނުވަތަ މަސައްކަތްކުރަމުންދާ ފަރާތަކުން ނިޒާމީ ސިފައެއްގައި ރާވައިގެން ހިންގާފައިވާ އިންސާނީ ޙައްޤުތަކާއި އަސާސީ މިނިވަންކަމާ ޚިލާފު ޢަމަލުތަކާ ގުޅޭ މައްސަލަތަކެވެ.
އަމިއްލަ ނަމުގައި ދައުވާކުރުމާއި ދައުވާ ލިބިގަތުމުގެ ބާރު ލިބިދީފައިވާ އިންތިގާލީ އިންސާފުގެ އޮފީހެއް އުފެއްދުމަކީ ރައީސް ސޯލިހުގެ ވައުދެކެވެ. ގޮތް ނޭނގޭ މަރުތަކުގެ މައްސަލަތަކާއި ކޮރަޕްޝަނާއި ހިޔާނާތުގެ މައްސަލަތައް ބެލުމަށް ވެސް ރައީސް ސޯލިހް ވަނީ ރިޔާސީ ކޮމިޝަން އުފައްދަވާފަ އެވެ. ނަމަވެސް ރައީސް ސާލިހު އުފައްދެވި ކޮމިޝަންތަކުންނާއި އެކިއެކި ކޮމިޓީތަކުގެ މަސައްކަތުން އިންސާފު ނުލިބޭތީ އޭރު އާންމުންގެ ފާޑުކިޔުން ބޮޑުވިއެވެ.
އިންތިގާލި އިންސާފުގެ އޮފީސް އުވިގެންދިޔައިރު، ބޮޑު ޚަރަދެއް ހިނގާ، އެހެންނަމަވެސް އެ އޮފީހުން މާބޮޑުކަމެއް ހާސްވިތަނެއް ފެނިގެން ގޮސްފައެއް ނުވެއެވެ.
