ބޮލީވުޑްއަށް ތައާރަފް ވުމަށް މަސައްކަތް ކުރަމުން އަންނަ އާމިރު ހާންގެ ދޮށީ ފިރިހެން ދަރިފުޅު ޖުނައިދު ހާން ޕްރޮޑިއުސްކުރާ ފުރަތަމަ ފިލްމުގެ ލީޑު ރޯލަށް، އާމިރު އަށް ބޮޑުބޭބެ ކިޔާ ޒޭން މެރީ ހާން ހަމަޖައްސައިފި އެވެ.
"ޕްރީތަމް ޕިޔާރޭ" ކިޔާ މި ފިލްމްގެ ލީޑުން ޒޭން އަށް ވަނީ ފުރުސަތު ލިބިފައި ކަމަށް ހަބަރުތަށް ބުނެއެވެ. ޒޭން އާއި އެކުގައި ދެން މި ފިލްމް އިން ފެނިގެންދާނީ ސަންޖޭ މިޝްރާ އެވެ.
ނަމަވެސް މި ފިލްމް އާއި ބެހޭ ގޮތުން މިހާތަނަށް އަދި އެއްވެސް މައުލޫމާތެއް މީީޑިއާއަށް ރަސްމީ ފަރާތަކުން ހިއްސާ ކޮށްފައިއެއް ނުވެއެވެ. ޖުނައިދު ފިލްމެއް ޕްރޮޑިއުސްކުރަން ނިންމި އިރު،އޭނާ ބޮލީވުޑަށް ތައާރަފުވާ ފިލްމުގެ މަސައްކަތް ވެސް އަންނަނީ ކުރަމުންނެވެ. އެއީ އަންނަ އަހަރު ޔަޝް ރާޖް ފިލްމްސް (ވައިއާރްއެފް)ގެ ގެނެސްދޭ ފިލްމު "މަހާރާޖް"އެވެ.
View this post on Instagram
ޒޭން ބޮލީވުޑަށް ތައާރަފުވީ 2021 ވަނަ އަހަރު ގެނެސްދިން ނެޓްފްލިކްސްގެ ފިލްމު "މިސިޒް ސީރިއަލް ކިލާ" އިންނެވެ. އޭގެ ފަހުން އޭނާ ވަނީ ނެޓްފްލިކްސްގެ ކާމިޔާބު ހިންދީ ފިލްމު "މޮނިކާ އޯ މައި ޑާލިން" އާއި ސީރީޒް "ފީލްސް ލައިކް އިޝްގް"ގައި ވެސް ރޯލުތައް ކުޅެފަ އެވެ.
