މާދަމާއަކީ، ދިވެހިރާއްޖޭގެ ތާރީޚުގައި ދިވެހި ޖުމްހޫރިއްޔާގެ އަށްވަނަ ރައީސް، ޑރ. މުޙައްމަދު މުޢިއްޒު ހުވާކުރައްވާ އުފާވެރި ދުވަހެވެ. ދިވެހިންނަށް ފަޚްރުވެރި ދުވަހެކެވެ.
އެއީ، ދިވެހީންގެ ރާއްޖޭގެ ރައީސެވެ. ޑރ. މުޢިއްޒަކީ، ޢިލްމީ ޤާބިލްކަމާ ތަޖުރިބާއިން ފުރިފައިވާ، ކަމަށް ގާބިލް ފަހުލަވާނެއްކަމަށް ގިނަބަޔަކު ޤަބޫކުރާ ބޭފުޅެކެވެ. ރައްޔިތުންގެ ފަޅީގައި ހުރެގެން ރައްޔިތުންނަށް ވެރިކަން ކޮށްދެއްވާނެ ކަމަށް ވިދާޅުވި ރައީސެވެ. މާތްވެގެންވާ އިސްލާމްދީނާ ދިވެހިޤައުމިއްޔަތު ހިމާޔަތްކޮށްދެއްވާނެ ކަމަށް ތަކުރާރުކޮށް ވިދާޅުވަމުން ގެންދެވި ރައީސެވެ. ތަނުކުނާ އަޅައިގެން ރާއްޖޭގައި ބޭރުޤައުމެއްގެ ސިފައިނަށް ނުތިބޭވެނެ ކަމަށް ވިދާޅުވެ، ރައްޔިތުންގެ ލޯބި ހޯދެއްވި ދިވެހީންގެ ޕްރޯ ރައީސެވެ.
މިފުރުޞަތުގައި ލަޠީފުގެ މިކޮލަމުން އިންތިޚާބީ ރައީސް ޑރ. މުޙައްމަދު މުޢިއްޒަށް ތަހުނިޔާއާއި މުބާރިކުބާދީ ދަންނަވަމެވެ. ޑރ. މުޢިއްޒު ވެރިކަމަށް ވަޑައިގަތީ ކޮންމެ ޕާޓީއެއްގެ މީހަކާ މެދުގައިވެސް ހަމަހަމަކޮށް ކަންތައްތައް ކުރައްވާނެ ކަމަށް ވިދާޅުވަމުންނެވެ. އެކަމަށް އަހުދުކަށަވަރު ހިތްޕަވައިގެންނެވެ. ރައްޔިތުން އެކަން ޤަބޫލުކުރައްވައި ދެއްވި ވޯޓުން ރިޔާސީ އިންތިޚާބުގައި ކުރި ހޯއްދަވައިގެންނެވެ. އަދި ހަމައެހެންމެ ހިނގަމުންދާ އެންމެ މަޝްރޫޢުއެއްވެސް ހުއްޓާނުލާނެ ކަމާއި، ބޯހިޔާވަހިކަމުގެ އެންމެ ފޯމެއްވެސް ބާޠިލް ނުކުރައްވާނެ ކަމާއި، ދޫކޮށްފައިވާ އެންމެ ބިމެއްވެސް އަތު ނުލައްވާނެކަމަށް ވިދާޅުވެގެންނެވެ. ތިލަމާލެ ބުރިޖްގެ ނިންމެވުން އަވަސްކުރައްވާނެ ކަމަށް ވިދާޅުވެގެންނެވެ.
ރިޔާސީ އިންތިޚާބު ތެރޭގައި ޑރ. މުޢިއްޒު ވިދާޅުވަމުން ގެންދިޔައީ، އަލަށްފަށާ އެންމެ ބިޔަ މަޝްރޫއަކީ، ފުށިދިއްގަރުފަޅާ، ގިރާވަރުފަޅާ، ގުޅީފަޅުގެ ބިން ހިއްކުމުގެ މަސައްކަތް ފުރަތަމަ ހަމަސްތެރޭގައި ފައްޓަވާނެ ކަމަށެވެ. 65000 މީހުންގެ ބޯހިޔާވަހިކަން ކަށަވަރުވެގެންދާނެ ކަމަށެވެ، މިމަޝްރޫޢުތައް ބާރުސްޕީޑްގައި ކުރިޔަށް ގެންދަވާނެ ކަމަށް ވިދާޅުވެ، ދިވެހިންގެ ސިކުނޑިތަކަށް އެވާހަކަތައް ވައްދައިދީގެންނެވެ. އަދި ދިވެހި ކުދިބޮޑު އެންމެހާ ރައްޔިތުން އެކަމަކަށް ރުހި ގަބޫލު ވެގެންނެވެ.
އަދިވެސް އެތައް ވާހަކަތަކެކެވެ. ތެދެކެވެ. އެކަން ނުކުރެވެންވީ ސަބަބެއްނެތެވެ. ކަންކުރުމުގެ ވިސްނުން އެބަހުއްޓެވެ. ވައްޓަފާޅި އެބަހުއްޓެވެ. ޢިލްމު އެބަހުއްޓެވެ. ނަތީޖާ ދައްކާފައިވާކަން ތަޖްރިބާއިން މިހާރުވެސް ފެންނަން އެބަހުއްޓެވެ. ބޭނުންވަނީ ޤާބިލް ވަޒީރުންގެ މަޖިލީހެކެވެ.
ޝައްކެއްނެތް ގޮތުގައި ސިޔާސީ އޮއިވަރު ގަދަވެ ބިންދަމުން ގެންދިޔަ ބިޔަ ރާޅުތަކުގެ ތެރެއިން ދިވެހީންގެ ރާއްޖެއަށް ބޭނުންވާ މިފަދަ ޤާބިލް ރައީސަކު ދިވެހިންނަށް ހޯދައި ދިނުމުގެ މޭސްތިރިއަކީ މިއަދު ސިޔާސީ އުދަރެހުގައި ވިދަވިދާ ހުރި، އަރާއިރު ޢަބްދުއްރަހީމްބޭ ނޫންތޯއެވެ.
ތަފާތު ޚިޔާލުތަކުގެ އެތައް ބަޔަކު ގޮވައިގެން ދުވަހު ބައްދަލުވުންތަކާ، ޖަލްސާތަކާ، އެއްވުންތައް ބާއްވައި، އެތެރޭންނާ ބޭރުން އަންނަ ހަމަލާތަކުން ރެކެމުން ބައެއް ހަލަމާތައް އަރަމުންދިޔަ އިރުވެސް އެއްވާނެއްގައި ހިފަހައްޓާލީ ޙިކުމަތްތެރި ޢަބްދުއްރަޙީމްބެ ނޫންތޯއެވެ. އެކަމަށް ޓަކައި ޢަބްދުއްރަޙީމްބެއަށް ޝުކުރު ދަންނަވަމެވެ.
އެކަމަކު ބުނަމެވެ. މި ހުރިހާ ކަމަކަށްވުރެ މާ އުފާވާ އެއްކަމެއް އަދި އެބައޮތެވެ. ޢަބްދުއްރަޙީމްބޭގެ ނަޞޭޙަތާ އިރުޝާދަށް ކިޔަމަންތެރިކަން އަދާކުރަމުން ގެންދިޔަ ސެނެޓަރުންގެ ތެރޭގައި އަޅުގަނޑަށް ވެސް ހުރެވުމުން ލިބުނު އުފަލެވެ. އެ ސެނެޓަރުންގެ ކިބައިން ފެނިގެންދިޔައީ، އެންމެ ފުރަތަމަ ޤައުމެވެ. ކާމިޔާބު ވަންދެން ހިންގުނު މަގުމަތީ ޙަރަކާތްތަކެވެ. ލީޑަރޝިޕުގައި ހިމެނޭ އެންމެހާ ފަރާތްތަކާއި ޢާންމު މެންބަރުންގެ ޤުރުބާނީއެވެ.
މިދެންނެވި ޙަޤީޤަތް ޕާޓީގެ ލީޑަރ ޝިޕުގައި ތިއްބެވި ފަހުލަވާނުން ފަޚްރުވެރިކަމާއެކު ޤަބޫލުކުރެއެވެ. މިކަހަލަ އެތައް ވާހަކައެއް ދެއްކިދާނެއެވެ. އެހެންނަމަވެސް މީގެ ނާޖާއިޒްފައިދާ ޢަބްދުއްރަޙީމްބެ ވެސް އަދި އެހެން ފަރާތަކުންވެސް ނަގައިގެން ނުވާނެއެވެ. އެއީ ރައްޔިތުން ރުހޭނެކަމެއްނޫނެވެ. އެއީ ޒިންމާދާރު ސިޔާސީ މީހުން ކުރަން ކަމުދާކަމެއް ވެސް ނޫނެވެ. އަދި އެކަހަލަ ފައިދާއެއް ނަގާނެ ކަމަށް ރައްޔިތުން ދެކިގެންވެސް ނުވާނެއެވެ.
އަދި އަނެއްކޮޅުން ޢަބްދުއްހީމްބޭއަށް ލިބޭ އިނާމަކާމެދު ޗުކްޗުކު ލައްވައި ދެކޮޅު ހެދުންވެސް ރަނގަޅެއްނޫނެވެ. އަބްދުއްރަޙީމްބެއަކީ، ބަޠަލެކެވެ. ޤައުމުގެ މިނިވަންކަމާ އިސްތިޤްލާލު ބޭރުގެ ނުފޫޒެއްގެ ދަށަށް ދިޔަނުދިނުމަށް ދަނޑިވަޅުބަލައި ޤައުމަށް އެންމެ ރަނގަޅުގޮތް ހޯއްދަވައިދެއްވުމުގެ އިސް މޭސްތިރިޔާ އެވެ.
އަދި ބުނަމެވެ. މުޅިން އާދުވަހަކަށް އިރު އުދަރެހުން ފާޅުވެ، ފެނުންމައްޗަށް ތޮޅިލައިފިއެވެ. ދައުރެއް ބަދަލުވީ ނޫންހެއްޔެވެ. އެދުވަސް މާޒީގެ ސަފްހާތަކާއި އެކުވެގެން ދިޔައީއެވެ. އެއާއެކު މުސްތަފާބެވެސް މާޒީއާއެކުވެގެން ދިޔައީއެވެ. ދުނިޔޭގެ ޡަބައީ ނިޒާމަށް އާބަސް ބުނަމުން އެ ސިލްސިލާއަށްވެސް ނިމުން އައީއެވެ.
މިއީ މުޅިން އާ ފެށުމެކެވެ. އާ ސިލްސިލާއެކެވެ. އަބުދުއްރަހީމްބެއަކީ ދެގޮތެއްނުވާ ވަރުގަދަ ޝަޚްސިއްޔަތަކަށް ވިއެއްކަމަކު، އެއީ ޚިޔާލީ ފޮލާއަކަށްވެސް ވެދާނެއެވެ. ފިކުރަކަށްވެސް ވެދާނެއެވެ. ބުނާ ވާހަކައަކަށްވެސް ވެދާނެއެވެ. ދެކޭ ތަސްވީރަކަށްވެސް ވެދާނެއެވެ. އެހެން މީހެއްގެ ނަކަލަކަށްވެސް ވެދާނެއެވެ. އަބުދުއްރަހީމްބެ ބައެއް ފަހަރު ފާޑުވެސް ކިޔާނެއެވެ. ހެޔޮ ނަސޭހަތްވެސް ދޭނެއެވެ. އަނެއްބައި ފަހަރު އިންޒާރުވެސް ކޮށްފާނެއެވެ. އެހެންނަމަވެސް އެއްކަމެއް ޔަގީން ކުރާށެވެ. އަބުދުއްރަހީމްބެގެ މަގުސަދު ކަސިޔާރުވެގެން ނުދާނެއެވެ. އަބުދުއްރަހީމްބެގެ އުޅުމާއި ގުޅުމުން އިބުރަތެއް މެނުވީ ހާސިލްވާކަށް ނޯންނާނެއެވެ. އަޅެފަހެމީ، ދޮގެއްތޯއެވެ.
4 Responses
އެންމެ ފުރަތަމަވެސް ދަރިއަށް ދެނީ މިނިސްޓަރު ކަމެވެ. ޔާމީނުގް ދައުރުގައި ކޮންމެވެސް ތަންކޮޅެއް ހާވާލާފައި އެދަރިއަށް ހުޅުމާލޭ މައިމަގުން ބޮޑު ގޯއްޗެކެވެ. މިތިބީ ކުޅި ބަލާށެވެ. ކިހާވަރަކުން ތިޔަ އިނާމް ދާނޭ ހެއްޔެވެ؟ ހުހަށްހުރި ރަށްތަކާއި ފަޅުތައް މިހާރު ސޭލް އަޅުވައިފި އަޑު އެބަހުއްޓެވެ. ލަތީފްބެޔަށްވެސް ބައި އަޅާނެ ތޯއްޗެކެވެ.
ކަންކުރި މީހުންނަށް އޮތީ ކޮޅުކެއްސެވެ. އެމީހަކަށް ވެއްޖެއްޔާ ހެވެވެ ކަމެއްދަމެއް ބަލާ މީހަކުނެތެވެ ހުރިހާ ދިމާއަކުން ކުއްލިއަކާ މަޖިލީހޭ ގޮނޑިއޭ ކިޔައިގަން މީހުންގަނޑު ހިނގަން ފަށައިފިއެވެ.
ސޯސަންމަގު ދެކުނުކޮޅުގައި ޕާރކު ކޮށްފައި ހުންނަ ސައިކަލް ތައް ކޮންމެރެޔަކު ދަންވަރު މީހަކު ހަދާގޮތަކީ އޭނަގެ ސައިކަލް ޕާރކް ކުރަންވެގެން ޖާގަ ނެތީސް އެއްސައިކަލް އަނެއް ސައިކަލް ހަލާކުވާ ވަރަށް ޖައްސާފަ ޖާގަ ހޯދައިގެން އޭނަގެ ސައިކަލް ޕާރކް ކުރުން
މިއަދު މީހަކަށް ތިވީ އަބްދުއްރަހީމްބެ އެވެ. ކާމިޔާބު ކުރުމާއި ހަމައަށް ޔާމީންބެއެވެ. ގުރުބާނީ ވީ ޔާމީންބެ ގެ ފިދާއީންނެވެ. ތިބުނާ މަތިފަޑި ތިބީ އޭސީގައި ފިނިކުރާށެވެ. މިއަދު ތިބުނާ އަބްދުއްރަހީމްބެ އަށް ސަނާ ކީވަރަކަށް ލަތީބެގެ އަންބޮނޑި ބޮޑުވާނެ ތޯއްޗެކެވެ. ރައްޔިތުން ތަނަވަސް ވާނެކަމާމެދު އޮތީ ސުވާލެކެވެ.