ކޮމިޝަނާ އޮފް ޕްރިޒަންސްގެ މަގާމުން އަހުމަދު މުހައްމަދުފުޅު އިސްތިއުފާ ދެއްވަން ނިންމަވައިފިއެވެ.
އަހުމަދު މީޑީއާތަކަށް މިއަދު ފޮނުއްވި މެސެޖުގައި ވިދާޅުވެފައިވަނީ، މަގާމުން އިސްތިއުފާ ދެއްވުމަށް މިއަދު އޭނާ ރައީސް ސާލިހަށް ސިޓީ ފޮނުއްވާފައިވާ ކަމުގައެވެ. މެސެޖުގައި ވާގޮތުން އޭނާ ރަސްމީކޮށް މަގާމުން އިސްތިއުފާ ދެއްވާނީ އަންނަ އާދީއްތަ ދުވަހުއެވެ.
ރައީސް ސާލިހު، ކޮމިޝަނާ އޮފް ޕްރިޒަންސްގެ މަގާމަށް އަހުމަދު ހަމަޖެއްސެވީ 2020 ވަނަ އަހަރުގެ ޖެނުއަރީމަހުގެ 21 ވަނަ ދުވަހުއެވެ. އޭގެ ކުރިން އޭނާ ހުންނެވީ އިންސްޕެކްޓާ އޮފް ޕްރިޒްންސްގެ މަގާމުގައެވެ. އޭނާ އެމަގާމަށް އައްޔަން ކުރައްވާފައިވަނީ 2019ވަނަ އަހަރުގެ މޭމަހުގެ 16ވަނަ ދުވަހުއެވެ. އެމަގާމަށް އައްޔަން ކުރެއްވުމުގެ ކުރިން އޭނާ އަދާކުރެއްވި މަގާމަކީ ހިއުމަން ރައިޓްްސް ކޮމިޝަންގެ ޑިރެކްޓާ އޮފް ނެޝަނަލް ޕްރިވެންޓިވް މެކޭނިޒަމްގެ މަގާމުގައެވެ.
ކޮމިޝަނަރ އޮފް ޕްރިޒަންސްގެ މަގާމުގައި ހޭދަކުރެއްވި 3 އަހަރާ 10 މަހުގެ ތެރޭގައި ކަރެކްޝަންސްގެ ހުރިހާ މުވައްޒަފުންގެ ފަރާތުން ލިބިލެއްވި އެހީތެރިކަމާއި އެއްބާރުލުމަށް އޭނާވަނީ ޝުކުރު އަދާކުރައްވާފައެވެ. އަދި އޭނާ ވިދާޅުވީ މިމުއްދަތުގެ ތެރޭގައި އެ މުވައްސަސާގެ ކުރިއެރުމަށް އޭނާގެ ގާބިލިއްޔަތު ތަންދިން އެންމެ މަތީ ދަރަޖައަކަށް އޭނާވަނީ މަސައްކަތް ކުރައްވާފައެވެ.
ކަރެކްޝަނަލް ސާވިސްގެ އަމާޒުތައް ހާސިލް ކުރުމުގައި އެންމެންނާ އެކީގައި މަސައްކަތް ކުރެވުނީތީ އެކަމާ އުފާ ކުރަން. ހުރިހާ އެންމެންނަށް ވެސް މުސްތަގްބަލްގައި ކާމިޔާބީއަށް އެދެން
އަހުމަދު ވިދާޅުވެފައި ވެއެވެ.
އަހުމަދު ވިދާޅުވެފައިވަނީ އޭނާ ހުރިހާ ޖަލުތަކަށާއި ކޮމާންޑްތަކަށް ޒިޔާރަތް ކުރައްވާނެއެވެ.
