ފިނޭންސް މިނިސްޓްރީގެ ފުރަތަމަ ފަންގިފިލާގެ ނަން، އެމިނިސްޓްރީގައި ގިނަ ދުވަސްތަކެއް ވަންދެން ޚިދުމަތް ކުރައްވަމުން ގެންދަވަނިކޮށް ކުއްލިގޮތަކަށް ނިޔާވު އަހުމަދު މުޖުތަބާގެ ނަމަށް ޚާއްސަ ކޮށްފިއެވެ.
ފިނޭންސް މިނިސްޓްރީން ކުރި ޓުވީޓެއްގައި ބުނެފައިވަނީ، އެކުވެރި މުވައްޒަފު އަލްމަރުޙޫމް އަޙްމަދު މުޖުތަބާ މި މިނިސްޓްރީއަށް ކޮށްދެއްވި ލާމަސީލު ޚިދުމަތްތަކުގެ އަގުވަޒަންކުރުމުގެ ގޮތުން މިނިސްޓްރީގެ ފުރަތަމަ ފަންގިފިލާ ވަނީ އަލްމަރުޙޫމް އަޙްމަދު މުޖުތަބާގެ ހަނދާނުގައި ހާއްސަ ކުރެވިފައި ކަމުގައެވެ.
In remembrance of the exemplary legacy left behind by our late colleague Ahmed Mujthaba, the ministry dedicates its 1st floor in his honour. pic.twitter.com/yU83TaEiTE
— Ministry of Finance (@MoFmv) November 14, 2023
ފިނޭންސް މިނިސްޓްރީގެ ޕްރޮކިއުމެންޓް ހެޑްގެ މަގާމުގައި ހުންނެވަނިކޮށް އަހުމަދު މުޖުތަބާ ކުއްލިގޮތަކަށް ނިޔާވީ ފާއިތުވިއަހަރުގެ ޖުލައިމަހުގެ 29 ވަނަ ދުވަހުއެވެ.
އޭނާ ނިޔާވީ އުފަންރަށް ދެއްވަދޫގައި ހުންވަނިކޮށް ބަނޑުގައި ރިއްޔާސާތީ، ސިއްޙީ ހާލަތު ގޯސްވެގެން ކުއްލިގޮތެގައި މާލެ ގެނެސް ފަރުވަ ދެމުން ދަނިކޮށެވެ.
ބައެއް ފަރާތްތަކުން އޭރު ޚަބަރު އޮންލައިނަށް މައުލޫމާތު ދިންގޮތުގައި އޭނާ ރަށުގައި ހުއްޓާ ބަނޑުގައި ރިއްސާތީ ތިނަދޫ ހޮސްޕިޓަލަށް ދައްކާފައިވެއެވެ. އަދި ތިނަދޫ ހޮސްޕިޓަލަށް ދައްކުމުން ކިޑްނީ ފެއިލްވެފައިވާ ކަމަށް ހޮސްޕިޓަކުން ބުނެފައިވެއެވެ.
މުޖުތަބާ ނިޔާވެފައިވަނީ އައިޖީއެމް ހޮސްޕިޓަލުގައި ފަރުވާ ދެމުން ދަނިކޮށެވެ.
ހަތަރު ކުދިން ބައްޕަ މުޖުތަބާ ނިޔާވިއިރު ހުންނެވީ ފިނޭންސް މިނިސްޓްރީގެ ޕްރިކިއުމަންޓް ޕޮލިސީ ޑިޕާންޓްމަންޓްގެ ޗީފް ޕްރޮކިއުމަންޓް އެކްޒެކެޓިވް ހެޑްގެ މަގާމުގައެވެ.
ކޮމެންޓު ފޮނުވާ