ބޮލީވުޑްގައި ކުރި އަރަމުން އަންނަ އެކްޝަން އެކްޓަރުގެ ގޮތުގައި މަޝްހޫރު ޓައިގާ ޝްރޮޕް އަނެއްކައިވެސް އެކްޝަން ފިލްމް އަކަށް ސޮއިކޮށްފިއެވެ.
ޓައިގާ އެންމެ ފަހުން ފެނިގެން ދިއައީ މިއަހަރުގެ އޮކްޓޯބަރު މަހުގެ 20 ވަނަ ދުވަހުގައި ރިލީޒް ކުރި ފިލްމް "ގަންޕަތު" އިންނެވެ. މިއީ ވެސް އެކްޝަން ފިލްމްއެކެވެ. މި ފިލްމް ގައި ޓައިގާ އާއި އެކުގައި ފެނިގެން ދިއައީ ކްރިތީ ސެނޮންއެވެ.
މުނިފޫހި ފިލުވުމުގެ ހަބަރުތަށް ގެެނެސްދޭ ނޫސްތަކުން ބުނާގޮތުގައި މި ފިލްމް އަކީ އާނަންދު ޕަންޑިތު ޕްރޮޑިއުސްކޮށް، ޝިވަމް ނައިރް ޑައިރެކްޓްކުރަން ހަމަޖެހިފައުވާ ފިލްމެއް ކަމަށެވެ.
ޝިވަމް އަކީ އަކްޝޭ ކުމާރުގެ 2017 ގެ "ނާމް ޝަބާނާ" ގެނެސްދިން ޑައިރެކްޓަރެވެ. ހަންގާމާ އިން ބުނި ގޮތުގައި އޭނަ ޓައިގާއާ އެކީ ހަދާ ފިލްމުގެ ޝޫޓިން ފަށާނީ އަންނަ އަހަރުގެ މެދުތެރޭގަ އެވެ.
ޓައިގާ ބޮލީވުޑް އަށް ނުކުތީ ދެހާސް ސާދައިގެ "ހީރޯޕަންތީ" އިންނެވެ. މި ފިލްމް އާއި އެކުގައި އެކްޝާން ފިލްމް ތަކުން ގިނައިން ފެންނަ ޓައިގާ އަކީ މިހާރު ޒުވާން އެކްތަރުންގެ ތެރެއިން އެންމެ ޑިމާންޑް ބޮޑު އެއް ތަރިއެވެ.
ކޮމެންޓު ފޮނުވާ