އިއްޔެ ރިލީޒް ކުރި "ޓައިގާ" ފްރެންޗައިޒް ގެ 3 ވަނަ ފިލްމް "ޓައިގާ 3″ އަށް ފުރަތަމަ ދުވަހުގެ އާމްދަނީގެ ގޮތުގައި ޖުމްލަ 9 މިލިއަން ޑޮލަރު ލިބިއްޖެ އެވެ.
އެއާއި އެކުގައި މި ފިލްމްގެ ފެށުން މިވަނީ ވަރަށް ބޮޑަށް ކާމިޔާބު ވެފައިއެވެ. މި ފިލްމް އެޅުވުމުގެ ކުރިން ސަލްމާން ވަނީ ފިލްމްގެ ކުރި ނުމެރުމަށް ފޭނުންގެ ކިބައި އެދިފައިއެވެ. އަދި ފިލްމް ބެލުމަށް ފަހު ސޯޝަލް މީޑިއާގައި ފިލްމްގައި ވާގޮތް ކިޔައި ނުދިނުމަށް ވަނީ އެދިފައިއެވެ.
މިއީ އިންޑިއާ އާއި އެ ގައުމުން ބޭރުގެ މާކެޓްތަކުން ލިބުނު ޖުމްލަ އާމްދަނީ އެވެ. އިންޑިއާ އިން އެކަނި "ޓައިގާ 3″ ގެ ފުރަތަމަ ދުވަހުގެ އާމްދަނީ އަކީ 43 ކްރޯޑް ރުޕީސް (5.2 މިލިއަން ޑޮލަރު) އެވެ. ޔާޝްރާޖް ފިލްމްސް (ވައިއާރްއެފް) ސްޕައި ޔުނިވާސްގެ މި ފިލްމު ހަދާފައި ވަނީ 300 ކްރޯޑް ރުޕީސް (36 މިލިއަން ޑޮލަރު) ގެ ބަޖެޓަކުންނެވެ.
View this post on Instagram
މި ފިލްމުގައި ދައްކާނީ ވެސް "ޓައިގާ"ގެ ދެވަނަ ފިލްމާއި އެ ޔުނިވާސްގެ އެހެން ފިލްމުތައް ކަމަށްވާ "ޕަތާން" އާއި "ވޯ"ގެ ފަހުން ހިނގާ ކަންތައްތަކެވެ. މި ފިލްމްގެ ހާއްސަ ފެނިލުމަކުން ޝާހުރުކް ހާން އާއި ރިތިކް ރޯޝަވެސް ފެނިގެން ދާނެއެވެ.
ކެޓްރީނާ ކައިފް އާއި ސަލްމާން ހާންގެ އިތުރުން "ޓައިގާ 3″އިން އިމްރާން ހާޝިމީ ވެސް ފެނިގެންދާނެއެވެ. އެ ފިލްމު ތިން ބަހަކުން ނެރޭނެ އެވެ. އެއީ ހިންދީ އާއި ތަމަޅަ އަދި ތެލޫގޫ އެވެ.
