ބޮލީވުޑްގެ ސްޕަސްޓާރު ޝާހުރުކް ހާން އާއި އޭނާގެ އަންހެން ދަރިފުޅު ސުހާނާ ހާން އެކުގައި ފެނިގެންދާ ފުރަތަމަ ފިލްމް ގެ ނަން ހާމަކޮށްފިއެވެ.
އަންނަ އަހަރު ޝޫޓިންގ ފެށުމަށް ހަމަ ޖެހިފައިވާ މި ފިލްމްގެ ނަމަކީ "ދަ ކިންގް" ކަމަށް މީޑިއާ އިން އަންނަނީ ބުނަމުންނެވެ. ނަމަވެސް ރަސްމީކޮން އަދި މި މައުލޫމާތެއް ހިއްސާ އެއް ނުކުރެއެވެ.
މި އެކްޝަން ތުރިލާ އަކީ ޖެނުއަރީގައި ރިލީޒްކުރި ޝާހްރުކްގެ "ޕަތާން" ގެ ޑައިރެކްޓަރު ސިދާތު އާނަންދާއި ޝާހްރުކްގެ ފިލްމު ކުންފުނި ރެޑް ޗިލީޒް އެންޓަޓައިންމަންޓް ގުޅިގެން ހަދާ އެއްޗެކެވެ.
އަދި މީގެ ޑައިރެކްޓަރަކީ މިދިޔަ ސެޕްޓެމްބަރު މަހު ނެޓްފްލިކްސް އިން ޕްރީމިއާކުރި ކަރީނާ ކަޕޫރްގެ "ޖާނޭ ޖާ" ގެ ޑައިރެކްޓަރު ސުޖޯއި ގޯޝް އެވެ.ރިޕޯޓްތައް ބުނި ގޮތުގައި މިހާރު އެ ފިލްމުގެ ނަމުގެ ގޮތުގައި "ދަ ކިންގް" ހަމަޖައްސައި ސްކްރިޕްޓްގެ އެންމެފަހުގެ މަސައްކަތްތައް އަންނަނީ ކުރަމުންނެވެ.
View this post on Instagram
ޝާހު، ސުހާނާ އެކު ފިލްމެއް ކުޅެން ނިންމި އިރު، ސުހާނާ ބޮލީވުޑަށް ތައާރަފުވާ ފިލްމު އަންނަ މަހު ނެރުމުގެ މަސައްކަތް އަންނަނީ ކުރަމުންނެވެ. އެއީ ޑައިރެކްޓަރު ޒޯޔާ އަކްތަރުގެ "ދި އާޗީސް" އިންނެވެ. ނެޓްފްލިކްސް އަށް އަންނަ އެ ފިލްމު ރިލީޒްކުރަނީ އަންނަ ޑިސެމްބަރު މަހު 7ގައެވެ. އަނެއް ކޮޅުން ޝާހްރުކްގެ ކުރިއަށް އޮތް ފިލްމަކީ އަންނަ މަހުގެ 21 ގައި ރިލީޒްކުރާ "ޑަންކީ" އެވެ.
