ސަލްމާން ހާން ގެ ކުރިއަށް އޮތް ފިލްމް "ޓައިގާ 3″ ގައި ރިތިކް ރޯޝަން ހާއްސަ ފެނިލުމަކުން ފެންނާނެ ކަމަށް ރިޕޯޓްތައް ބުނެފި އެވެ.
އިންޑިއާގައި ފާހަގަކުރާ ދިވާލީ އާ ދިމާކޮށް އެޅުވުމަށް ހަމަޖެހިފައި ވާ މި ފިލްމަކީ ބެލުންތެރިން ދިގުމުއްދަތަކަށް އިންތިޒާރު ކުރަމުން އައި ފިލްމެކެވެ. ސަލްމާން އާންމުގޮތެއްގައި އޭނާގެ ފިލްމުތައް އަޅުވަނީ އީދު ނޫނީ ދިވާލީގައެވެ.
ޔާޝްރާޖް ފިލްމްސް (ވައިއާރްއެފް) ގެ ސްޕައި ޔުނިވާސްގެ ތެރެއިން ގެނެސްދޭ މި ފިލްމުގައި ދައްކުވައިދޭނީ މި ސީކުއެލްގެ ދެވަނަ ފިލްމުގެ އިތުރުން ޔާޝްރާޖްގެ ފިލްމު "ވޯ" އަދި "ޕަޓާން" އާއި ގުޅުވައިގެން ހިނގާ ހާދިސާ ތަކެކެވެ.
ރިޕޯޓްތައް ކުރިން ބުނި ގޮތުގައި، މި ފިލްމުގައި ހާއްސަ ފެނިލުމަކުން ޝާހްރުކް ހާން ވެސް ފެންނާނެ އެވެ. ޝާހު އާއި ރިތިކް މި ފިލްމުގައި ފެންނާނެ ނަމަ، މިއީ ޔަޝްރާޖް ފިލްމްސް (ވައިއާރުއެފް)ގެ ސްޕައި ޔުނިވާސްގެ އެންމެ ބޮޑު ކްރޮސްއޯވާ އަށް ވާނެ އެވެ.
ސަލްމާނާއި ކެޓްރީނާއާ އެކު، ފިލްމުގެ މުހިންމު ރޯލުތަކުން ފެނިގެންދާނީ އިމްރާން ހާޝްމީ، ރެވާތީ، ރަންވީރު ޝޯރޭ، ވިޝާލް ޖެތުވާ އަދި ރިދީ އެވެ. އަދި ހާއްސަ ފެނިލުމަކުން، ޕަޓާންގެ ރޯލުން ޝާހްރުކް ޚާން ވެސް ފެންނާނެ އެވެ. އިމްރާން ހާޝްމީ ފިލްމުގައި ފެނިގެންދާނީ ނުބައި މީހެއްގެ ރޯލުންނެވެ.
