އަބުދުالله ވަހީދު

ފެނަކައަށް އާ ސީއެފްއޯއެއް ނުނެގުމަށް ވަގުތީ އަމުރެއް

ފެނަކައަށް އާ ސީއެފްއޯއެއް ނުނެގުމަށް ވަގުތީ އަމުރެއް

ގުޅުންހުރި

ފެނަކަ ކޯޕަރޭޝަންގެ ޗީފް ފައިނޭންޝަލް އޮފިސަރު (ސީއެފްއޯ)ގެ މަގާމަށް މީހަކު އައްޔަން ނުކުރުމަށް ވަޒީފާއާއި ބެހޭ ޓްރައިބިއުނަލް ވަގުތީ އަމުރެއް ނެރެފިއެވެ.

ވަޒީފާއާއި ބެހޭ ޓްރައިބިއުނަލްއިން މިގޮތަށް އަމުރުކުރީ ފެކަނަ ކޯޕަރޭޝަންގެ އެ މަގާމުގައި ހުރި ހއ. ހޯރަފުށި، އަބްދުﷲ ވަހީދު މަގާމުން ވަކި ކޮށްފައިވަނީ ވަޒީފާއާބެހޭ ގާނޫނާ ޚިލާފަށްކަމަށް ބުނެ އޭނާ ޓްރައިބއުނަލްއަަށް މައްސަލަ ހުށަހެޅުމުން ޓްރައިބިއުލަންއިން އެ މައްސަލާގަ ނެރުނު ވަގުތީ އަމުރުގައެވެ.

އަބުދުﷲ ވަހީދު ފެނަކައިގެ ވަޒީފާއާއި ގުޅިފައިވަނީ 2014 ވަނަ އަހަރުގެ ސެޕްޓެމްބަރު މަހުގެ 11 ވަނަ ދުވަހުއެވެ. އޭނާ އެ ކުފުނީގެ ސީއެފްއޯގެ މަގާމުން ވަކިކޮށްފައިވަނީ އޭގެ 9 އަހަރުފަހުން، ފާއިތުވި ސެޕްޓެމްބަރުމަހުގެ 26 ވަނަ ދުވަހުއެވެ.

މިމައްސަލާގައި ނެރުނު އަމުރުގައި ބުނެފައިވަނީ އަބުދުﷲ ވަހީދުގެ ފަރާތުން ހުށަހަޅާފައިވާ ފެނަކައިގެ ސާކިއުލާއިން އޭނާ ވަޒީފާއިން ވަކިކުރުމުގެ ކުރިން ޗީފް ފައިނޭންސްގެ މަސްއޫލިއްޔަތު ފާއިތުވެދިޔަ އަހަރުގެ އޮކްޓޯބަރު މަހުގެ 19 ވަނަ ދުވަހުން ފެށިގެން އެހެން މުވައްޒަފަކާށް ވަގުތީގޮތުން ހަވާލުކޮށްފައިވާކަން އެނގެން އޮންނަ ކަމަށެވެ.

އަބުދުﷲ ވަހީދުގެ ފަރާތުންވަނީ، އޭނާ ހުށަހެޅި މައްސަލާގައި ޓްރައިބިއުނަލްއިން ވަކިގޮތެއް ނިންމަންދެން ފެނަކަ ކޯޕަރޭޝަންގެ ސީއެފްއޯގެ މަގާމަށް މީހަކު އައްޔަން ނުކުރުމަށް ވަގުތީ އަމުރެއް ނެރެދިނުމަށް އެދިފައެވެ.

މިގޮތުން ޓްރައިބިއުނަލްއިން ނުރުނު ވަގުތީ އަމުރުގައިވަނީ، އަބްދުﷲ ވަހީދު ފެނަކައިގައި އަދާކުރަމުންދިޔަ ވަޒީފާ އަނބުރާ ދިނުމަށާއި، އޭނާ އެ ވަޒީފާއިން ވަކިކޮށްފައިވަނީ އެކަށީގެންވާ ސަބަބެއް ނެތި ކަމަށް ޓަރައިބިއުނަލް އަށް ފެނިއްޖެ ހިނދެއްގައި، ވަޒީފާއާޢި ބެހޭ ޓަރައިބިއުނަލުން އަމުރެއް ނެރުމުގައި ބަލަންވާނީ އޭނާ ކުރިން ހުރި ވަޒީފާގައި އަލުން ބެހެއްޓުމަށް ކަމަށް ވަޒީފާއާބެހޭ ގާނޫނުން އެނގެން އޮންނަ ކަމަށެވެ.

އަދި ވަގުތީ އަމުރުގައި ބުނެފައިވަނީ އެ ޓްރައިބިއުނަލްއިން ވަކިގޮތެއް އަންގަންދެން އަބުދުﷲ ވަހީދު އަދާކުރަމުންދިޔަ މަގާމަށް ދާއިމީ މުވައްޒަފަކު އައްޔަން ނުކުރުމަށާއި، އެމަގާމަށް ދާއިމީ މުވައްޒަފަކު ހަމަޖެއްސުމަށް އެއްވެސް މަސައްކަތެއް ކުރެވެމުންދާނަމަ އެ މަސައްކަތެއްވެސް ވަގުތުން ހުއްޓާލުމަށެވެ.

ފެނަކަ ކޯޕަރޭޝަންއަކީ ރައީސް ސާލިހުގެ ވެރިކަމުގެ ދައުރުގައި ކޮރަޕްޝަންގެ ތުހުމަތު އެންމެ ބޮޑަށް ކުރެވިފައިވާ ކުންފުންޏެވެ. އަދި އެކުންފުނީގެ އެމްޑީގެ މަގާމުގައި ހުންނެވި ސައީދުގެ ކޮރަޕްޝަނާއި ގުޅުންހުރި ގިނަ މައްސަލަތަކެއް ވަނީ އޭސީސީއަށްވެސް ހުށަހެޅިފައެވެ.

ހިޔާލުފާޅު ކުރައްވާ!

Leave a Reply

Your email address will not be published. Required fields are marked *

ފަހުގެ