ބޮލީވުޑްގެ ބަތަލާ ޝިލްޕާ ޝެޓީގެ ފިރިމީހާ އަދި ވިޔަފާރީވެރިއާ ރާޖްކުންދުރާ އެކްޓް ކުރި ފުރަތަމަ ފިލްމް އިއްޔެ ވަނީ ރިލީޒް ކޮށްފައިއެވެ. މިއީ އޭނަ ފިލްމެއް ކުޅުނު ފުރަތަމަ ފަހަރެވެ. މި ފިލްމް އަކީ ބަރަހަނާ ފިލްމު ހަދައި އޭގެ ވިޔަފާރިކުރި ކަމަށް ތުހުމަތު ކުރެވޭ މައްސަލައެއްގައި ދެ މަހަށް ވުރެ ގިނަ ދުވަހު ޖަލުގައި ރާޖް ހޭދަކުރި ދުވަސްތަކަށް ބިނާކޮށް، ހަދައިފައިވާ ވަރަށް އަސަރުގަދަ ފިލްމްއެކެވެ.

މި ފިލްމްގެ ލީޑުން ރާޖް ފެނިގެންދާ އިރުގައި ޖަލުގައި އޭނާ ހޭދަކުރި ގޮތް ވަރަށް ރަނގަޅަށް ދައްކުވައިދޭނެއެވެ. އަދި އާއިލާ އާއި ދުރުގައި އޭނާ ގެ ދިރިއުޅުން ހޭދަވަގެން ދިއަ ހިއްދަތި ގޮތްވެސް ވަރަށް ފުރިހަމަ އަށް ފިލްމް އިން ދައްކުވައިދޭނެއެވެ.

 

View this post on Instagram

 

A post shared by Shilpa Shetty Kundra (@theshilpashetty)

ސިނަމާތަކަށް ގެނައި "ޔޫޓީ 69″ ގައި ދައްކުވައި ދެނީ މުމްބާއީ އާތާ ރޯޑް ޖަލުގައި ރާޖް 2021 ހޭދަކުރި ހިތްދަތި އަދި އެހާމެ އުނދަގޫ 63 ދުވަހެވެ. މި ފިލްމް އިއްޔެ ރިލީޒް ކުރުމާއި އެކުގައި ޝިލްޕާ ވަނީ ފިރިމީހާ އަށް ވަރަށް ބޮޑަށް ތައުރީފްކޮށް ޕޯސްޓެއް ސޯޝަލް މީޑިއާގައި ހިއްސާ ކޮށްފައިއެވެ.

އެ ޕޯސްޓުގައި ޝިލްޕާ ވަނީ އޭނާގެ ފިރިމީއާ އަށް ވަރަށް ބޮޑަށް ތައުރީފުކޮށްފައިއެވެ. އޭގައި އޭނާ ބުނެފައިވަނީ  ރާޖް އަކީ ވަރަށް ހިތްވަރު އަދި ވަރަށް ހާއްސަ މީހެއް ކަމަށާއި ފިރިމީހާއާ މެދު ފަހުރުވެރިވާ ކަމަށް ބުނެފައިވެ އެވެ.

 

View this post on Instagram

 

A post shared by Raj Kundra (@onlyrajkundra)

ޝިލްޕާ ކިތަންމެ ތައުރީފެއް ކުރި ނަމަވެސް  ކްރިޓިކުން ވަނީ "ޔޫޓީ 69″ އަށް ވަރަށް ބޮޑަށް ފާޑުކިޔައި، މިއީ އެއްގޮތަކަށް ކަމުދާ ފިލްމެއް ނޫން ކަމަށް ބުނެފަ އެވެ. ބަރަހަނާ ފިލްމު ހަދައި އޭގެ ވިޔަފާރިކުރިކަމުގެ ތުހުމަތުގައި އޭނަ ހައްޔަރުކުރީ 2021 ގެ ޖުލައި މަހުގެ މެދުތެރޭގަ އެވެ. އަދި ޖަލުން ދޫކުރީ ކަފާލާތުގެ ދަށުންނެވެ.