ޑާއިރެކްޓަރު/ ޕްރޮޑިއުސަރު ކަރަން ޖޯހަރުގެ ޝޯވ "ކޮފީ ވިތު ކަރަން" ގެ ސީޒަން އަށެއްގެ ދެވަނަ އެޕިސޯޑުން ފެނިގެން ދާނީ ބޮލީވުޑްގެ ކުރީ ގެ މަޝްހޫރު ދެބެން ކަމުގައިވާ ބޮބީ ޑިއޯލް އާއި ސަނީ ޑިއޯލް ކަމަށް ރިޕޯޓްތަށް ބުނެފިއެވެ.
މި ޝޯވގެ ފުރަތަމަ އެޕިސޯޑުން ފެނިގެންދިއައީ ރަންވީރު ސިންގް އާއި ދީޕިކާ ޕަޑުކޯންގެ ދެމަފިރިންގެ ކަޕުލްއެވެ. މި ދެމަފިރިންނަކީ ބޮލީވުޑްގެ ޕަވާ ކަޕުލްގެ ގޮތުގައި މަޝްހޫރު ޖޯޑެކެވެ.
ބައެއް މީޑިއާތަކުން ބުނި ގޮތުގައި އެ އެޕިސޯޑް ދެބެއިން މިހާރު ވަނީ ޝޫޓް ވެސްކޮށްފަ އެވެ. ނަމަވެސް ކުރިއާއި ހިލާފަށް މި ޝޮވ މިފަހަރު ގެނެސްދެމުން ދަނީ ވަރަށް ތަފާތުކޮންނެވެ. އެގޮތުން ކުރިއާލައި މި ޝޯވ ގައި ބައިވެރިވާ ތަރިންނެއް މިފަހަރު އިއުލާނެއް ނުކުރެއެވެ.
ފާހަގަކޮށްލެވޭ ކަމަކީ މި ޝޯގެ ދެވަނަ ސީޒަން 2005 ގައި ގެނެސްދިން އިރު، އޭގައި ބައިވެރިވާން ވެސް ސަނީ އާއި ބޮބީ އަށް ފުރުސަތު ލިބުނެވެ. ނަމަވެސް އެ ފަހަރު ފުރުސަތުގެ ބޭނުން ހިފައިފައެއް ނުވެ އެވެ.
View this post on Instagram
ކަރަންގެ ޝޯ އަށް މި ދެބެއިން އެކީގައި އަންނަ އިރު، ކަރަންގެ އެންމެ ފަހުގެ ފިލްމު، ޖުލައިގައި ރިލީޒްކުރި "ރޮކީ އޯރް ރާނީ ކީ ޕްރޭމް ކަހާނީ" ގެ ރޯލެއް ދަރޭ ކުޅެފައިވެ އެވެ. އަދި ކަރަންގެ ފިލްމު ކުންފުނި، ދަރުމާ ޕްރޮޑަކްޝަންގެ ފިލްމެއް ބޮބީ ވެސް ކުޅުނެވެ. އެއީ 2008 ގެ "ދޯސްތާނާ" އެވެ.
އެކަމަކު ކަރަންގެ އެއްވެސް ޕްރޮޖެކްޓެއްގައި ސަނީ މިހާތަނަށް ހިއްސާވެފައެއް ނުވެ އެވެ. އޭނަގެ އެންމެ ފަހުގެ ފިލްމަކީ މި އަހަރު ބޮކްސް އޮފީހުގައި ރެކޯޑްތަކެއް ހެދި "ގަދަރު 2″ އެވެ.
