އިންތިޚާބީ ރައީސް ހުވާކުރެއްވުމަށް ބާއްވާ ޖަލްސާގައި ޢާންމުންގެ 1000 މީހުންނަށް ދަޢުވަތު ދެއްވުމަށް އިންތިޚާބީ ރައީސްގެ އޮފީހުން ނިންމައިފިއެވެ.
އިންތިޚާބީ ރައީސް ޑރ. މުޙައްމަދު މުއިއްޒު ހުވާކުރެއްމުގެ ޖަލްސާ އޮންނާނީ ނޮވެމްބަރު 17ގައެވެ. އެ ޖަލްސާ އޮންނާނީ އެދުވަހުގެ ހަވީރު 04:45ގައި ޖުމްހޫރީ މައިދާނުގައެވެ.އެ ރަސްމިއްޔާތަށް 3500އެއްހާ މީހުންނަށް ދަޢުވަތު ދެއްވައިގެން ބައިވެރިވާނެކަމަށް މަޖިލީހުގެ އިދާރާއިން ބުނެފައިވެއެވެ.
ހުވާކުރެއްވުމުގެ ޖަލްސާގެ އިންތިޒާމުތަކާއި ގުޅޭގޮތުން ތަރުޖަމާން މުޙައްމަދު ފިރުޒުލް ވިދާޅުވީ ދައުވަތު ދީގެން ބައިވެވަޑައިގަންނަވާ މީހުންގެ އިތުރުން ޢާންމުންގެ 1000 މީހުންނަށް ފުރުސަތު ދެއްވުމަށް ނިންމާފައިވާކަމަށެވެ.
އާއްމުންނަށް ފުރުޞަތު ދިނުމަށް، 1000 ރައްޔިތުންނަށް ޖަލްސާގައި ބައިވެރިވުމުގެ ބައިވެރިވުމުގެ ފުރުޞަތު ދިނުމަށް ވަނީ ނިންމާފައި.
– ފިރުޒުލް ވިދާޅުވިއެވެ.
ޖުމްހޫރީ މައިދާނުގައި ހުވާކުރެއްވުމުގެ ރަސްމިއްޔާތު ބޭއްވުމަށް އިންތިޚާބީ ރައީސް ނިންމެވީ ވީހާވެސް ގިނަ ބަޔަކަށް އެ ފުރުސަތު ދެއްވުމަށެވެ. ހުވާކުރެއްވުމުގެ ޖަލްސާއަށް ޖުމްހޫރީ މައިދާން ތައްޔާރުކުރުމުގެ މަސައްކަތް މިހާރު ފަށާފައެވެ.
އެދުވަސް ވިއްސާރަވެއްޖެނަމަ ހުވާކުރުމުގެ ރަސްމިއްޔާތު އޮންނާނީ ރައްޔިތުންގެ މަޖިލިސްކުރާ ގޭގައިކަމަށް އިންތިޚާބީ ރައީސް އޮފީހުން ބުންޏެވެ.
