ލ.އަތޮޅުގެ ބައެއް ރަށްތަކުގައި އަސްކަރީ ތަމްރީންތަކެއް މިމަހު ކުރިއަށް ގެންދާނެކަމަށް އެމްއެންޑީއެފުން ބުނެފިއެވެ.
މި ތަމްރީންތައް ކުރިއަށް ގެންދިއުމަށް ހަމަޖެހިފައވަނީ މިމަހުގެ 20 އިން 30އަށް އެއަތޮޅުގެ 12 ރަށެއްގައެވެ. އެއީ ގާދޫ، ފޮނަދޫ، ކައްދޫ، މާންދޫ، ގަން، ގަސްފިނޮޅު، މަހާކަންފުށި، ބަރެސްދޫ، އުވަދެވިފުށި، ކަޅައިދޫ، ބޮކައިފުށި އަދި މުންޑޫއެވެ. މި ތަމްރީންތައް ކުރިއަށްދާނީ އެދުވަސްތަކުގެ އިރުއޮއްސި 6 އިން ހެނދުނު 6 އަކަށްކަމަށްވެސް އެމްއެންޑީއެފުން ބުންޏެވެ.
އެމްއެންޑީއެފުން ބުނީ، މި ތަމްރީންތަކުގައި ވައިގެ ސަރަޙައްދުވެސް ބޭނުންކުރާނެކަމަށާއި، އެގޮތުން ވައިގެ ސަރަޙައްދު ބޭނުންކުރާނެ އެންމެ ދުރުމިނަކީ 100 މީޓަރުކަމަށެވެ. އެންމެ އުސްމިނަކީ 50 މީޓަރުކަމަށް އެމް.އެން.ޑީ.އެފްއިން ބުންޏވެ. އަދި ވައިގެ ސަރަޙައްދު ބޭނުންކުރާނެ އެންމެ ތިރިމިނަކީ ކަނޑުގެ ލޮނުގަނޑުން ފެށިގެންކަމަށްވެސް އެމް.އެން.ޑީ.އެފްއިން ބުންޏެވެ.
