1998 އަހަރު ނެރުނު ފިލްމް "ކުޗް ކުޗް ހޯތާހޭ" ރިލީޒް ކުރިތާ 25 އަހަރު ފުރުމާއި ދިމާކޮށް ފިލްމުގެ ލަވައެއްގެ އާ ވާޝަނެއް ގެނެސްދޭން ނިންމައިފި އެވެ.
މި ފިލްމް އަކީ ވަރަށް ކާމިޔާބު އަދި ބެލުންތެރިންގެ މެދުގައި ވަރަށް ބޮޑު މަގުބޫލު ކަމެއް ހޯދި ފިލްމް އެކެވެ. ފިލްމް އަކީ އެފިލްމްގެ ޖާދޫ މިހާތަނަށް ވެސް ކަނޑުވައި ނުލެވުން ފިލްމްއެކެވެ.
މިކަން އިއުލާންކޮށް އެ ފިލްމުގެ މިއުޒިކް ރައިޓްސް އޮތް ސޮނީ މިއުޒިކުން ބުނީ ބެލުންތެރިންނަށް ގެނެސްދޭން ނިންމާފައި ވަނީ ފިލްމުގައި ހިމެނޭ އެންމެ އަސަރު ގަދަ ލަވަ ކަމަށްވާ "ތުޖެ ޔާދު ނަ މޭރީ އައީ" ކަމަށެވެ. އާ ވާޝަނެއް ގެނެސްދޭން ނިންމި ލަވަ އަކީ އަލްކާ ޔަގްނިކާއި އުދިތު ނާރަޔަންގެ އިތުރުން މަންޕްރީީތު އަޚްތަރު ކިޔާފައިވާ ލަވައެކެވެ
View this post on Instagram
ތިނެސްކަން ލޯބީގެ ވާހަކައެއްގެ މައްޗަށް ޑައިރެކްޓަރު/ ޕްރޮޑިއުސަރު ކަރަން ޖޯހަރު ގެނެސްދިން މި ފިލްމްއަށް އިތުރު ފުރިހަމަ ކަމެއް ގެނެސްދިނީ ލީޑުން ފެނިގެންދާ ޝާހުރުކް ހާން އާއި ކާޖޮލް އަދި ރާނީގެ ޖޯޑުއެވެ. މީގެ އިތުރުން ފިލްމް އިން ސަލްމާން ހާންގެ ހާއްސަގޮތަށް ވަރަށް މުހިންމު ރޯލަކުން ވަނީ ފެނިގެން ގޮސްފައިއެވެ.
ޖަތިން-ލަލިތު މިއުޒިކް ހަދައި، ސަމީރު ޅެންތައް ލިޔުނު "ކުޗް ކުޗް ހޯތާ ހޭ" ގެ ހުރިހާ ލަވަތަކަކީ ވެސް ވަރަށް މަގުބޫލުވި ރީތި ލަވަތެކެކެވެ. ފިލްމުގައި ޖުމްލަ 8 ލަވަ ހިމެނެ އެވެ.
