ސައުތުގެ މަޝްހޫރު ބަތަލާއިންގެ ތެރޭގައި ހިމެނޭ އެއް ބަތަލާ ނަޔަންތަރާ އަށް ބޮލީވުޑްގެ މަޝްހޫރު ޑައިރެކްޓަރު ސަންޖޭ ބަންސާލީ ގެ ފިލްމްއެއް ލިބިއްޖެ ކަމަށް ރިޕޯޓްތަށް ބުނެފިއެވެ.

ގިނަ ތަރިންތަކެއް މަސައްކަތް ކުރުމަށް ބޭނުންވާ ޑައިރެކްޓަރުގެ ފިލްމް އެއް ނަޔަންތަރާ އަށް ލިބުން އިރުގައި އޭނާ ވަނީ ޝާހުރުކް ހާންގެ ފިލްމް "ޖަވާން" އިން ބޮލީވުޑްއަަށް ތައާރަފްވެފައިއެވެ.

އެފިލްމް ވެގެންގޮސްފައި ވަނީ ވަރަށް ކާމިޔާބު އަދި ބޮކްސް އޮފީހުގައި ބޮޑު އާމްދަނީ އެއް ލިބުނު ފިލްމް އަކަށެވެ. އެ ފިލްމްއަކީ ގިނަ ރެކޯޑްތަކެއް މުގުރާލި ވަރަށް ކާމިޔާބު ފިލްމްއެކެވެ. ފިލްމް ގެ ކާމިޔާބީ އާއި އެކުގައި އޭނާގެ މަޝްހޫރު ކަމާއި ޑީމާންޑް ވަނީ ވަރަށް ބޮޑުވެފައިއެވެ.

 

View this post on Instagram

 

A post shared by N A Y A N T H A R A (@nayanthara)

މައުލުމާތު ލިބޭ ގޮތުގައި މަޝްހޫރު ޑައިރެކްޓަރު ސަންޖޭ ލީލާ ބަންސާލީގެ ކުރިއަށް އޮތް ފިލްމު "ބައިޖޫ ބަވްރާ" ގެ ރޯލެއް ނަޔަންތަރާ އަށް ވަނީ ހުށަހަޅައިފަ އެވެ. އަދި އެކަމާ ގުޅޭ ގޮތުން މިހާރު އަންނަނީ މަޝްވަރާ ކުރެވެމުންނެވެ.

އެގޮތުން ފިލްމަށް ނަޔަންތަރާ އެއްބަސްވާނެކަމުގެ އުންމީދު ވަރަށް ބޮޑު ކަމަށް ވެސް މީޑިއާތަކުން ބުންޏެވެ. ސަބަބަކީ ކުޅަދާނަ ޑައިރެކްޓަރު ބަންސާލީ އަކީ އަބަދު ވެސް އިންޑިއާގެ ގިނަ ފިލްމީ ތަރިންގެ "ވިޝް ލިސްޓް" ގައި ހިމެނޭ ޑައިރެކްޓަރަކަށްވުމެވެ.

 

View this post on Instagram

 

A post shared by Sanjay Leela Bhansali (@sanjayleelabhansali24)

"ބައިޖޫ ބަވްރާ"ގެ ކާސްޓު އަދި އިއުލާން ނުކުރެ އެވެ. ނަމަވެސް ކުރިން ރިޕޯޓްތައް ބުނި ގޮތުގައި، އެ ފިލްމުގައި ލީޑު ރޯލު ކުޅޭނީ ރަންވީރު ސިންހު އާއި އާލިއާ ބަޓެވެ.