އިންތިގާލީ މަރުހަލާ ނަމަވެސް، މި ސަރުކާރުން ކުރިއަށްގެންދާ ޕްރޮޖެކްޓުތަކުގެ މަސައްކަތާއި މިހާރު ފެށުމުގެ މަރުހަލާގައި ހުރި ކަންކަން ނުކުރުމަށް އިންތިޚާބީ ރައީސް ޑރ. މުޙައްމަދު މުއިއްޒަށް އެދިވަޑައިގެންނެވިދާނެކަމަށް ގަބޫލުނުކުރައްވާކަމަށް ރައީސް އޮފީހުގެ މިނިސްޓަރު އަޙްމަދު ސަމީރު ވިދާޅުވެއްޖެއެވެ.
ވެރިކަން ބަދަލުވުމުގެ މަރުހަލާ ފަށައިގެން މިހާރު ކުރިއަށް ގެންދާއިރު، ސަރުކާރުން މި ވަގުތު 7 ކަމެއް މަޑުޖައްސާލުމަށް އެދި އިންތިޚާބީ ރައީސް އޮފީހުން ވަނީ ރައީސް އޮފީހަށް ސިޓީފުޅެއް ފޮނުއްވާފައެވެ. އަދި ސިވިލް ސަރވިސް ކޮމިޝަނުންވެސް ވަނީ ބައެއް ކަހަލަ ވަޒީފާތައް ފިޔަވައި ދެން ހުރި ވަޒީފާތަކަށް މީހުން ނެގުމުގައި ހުއްދައެއް ހޯދުމަށާއި އައު މަގާމުތައް އުފެއްދުމާއި، މަގާމުގެ ކުރިއެރުން ދިނުމާއި ހުސްވެެފައިވާ މަގާމުތަކަށް މީހުން ނެގުންވެސް މިދުވަސްވަރު މަޑުޖައްސާލުމަށް އަންގާފައެވެ.
މީޑިއާއެއްގައި ވާހަކަ ދައްކަވަމުން ސަމީރު ވިދާޅުވީ ސަރުކާރުން ކުރަމުން އަންނަނީ ރައްޔިތުންނާ ގުޅުންހުރި މަސައްކަތްތައް ކަމަށެވެ. އަދި ރައީސް ޞާލިޙަކީ ގާނޫނާއި ގަވައިދާ ޚިލާފަށް އަމަލުކުރައްވާނެ ބޭފުޅެއް ނޫންކަމަށާއި ވެރިކަމަށް އެހެން ބޭފުޅަކު ވަޑައިގަންނަވާތީއޭ ވިދާޅުވެ ޖެއްސުން ކުރެއްވުމުގެ ގޮތުން ވެސް އެ މަނިކުފާނު އެއްވެސް ކަމެއް ނުކުރައްވާނެކަމަށް ސަމީރު ވިދާޅުވިއެވެ.
އެހެނޭ ކިޔައިފައި ބާކީ މި އޮތް މުއްދަތުގައި ރައީސުލްޖުމްހޫރިއްޔާ އޮފީހަށް ވަޑައިނުގެން ގެކޮޅުގައި ހުންނަވަންޖެހޭ ކަހަލަ ގޮތަކަށް ބޭފުޅަކު ވިދާޅުވެެގެންނެއް ނުވާނެ. އެ މަނިކުފާނުގެ ގާނޫނީ ވާޖިބުގެ މަސްއޫލިއްޔަތު އަދައިކުރުމަށް ޓަކައި 17 ނޮވެމްބަރާ ހަމައަށް އެ ޒިންމާ އަދައިކުރުމުގެ ފުރިހަމަ ބާރާއި އިޚްތިޔާރު ލިބިގެންވޭ.
– ސަމީރު ވިދާޅުވިއެވެ.
ސަމީރު ވިދާޅުވީ ވެރިކަން ބަދަލުވާ މަރުހަލާގައި ކަންކަންކުރަންވާ ގޮތްވެރިކަން ބަދަލުވުމުގެ މަރުހަލާއާ ބެހޭ ގާނޫނުގައި ވަރަށް ތަފްސީލުކޮށް ބަޔާންކޮށްފައިވާކަމަށެވެ. އެ ގާނޫނުގައި ސަރުކާރުން ކުރަމުންދާ ކަންކަން ހުއްޓާލާ އިތުރު ކަމެއް ނުފެށުމަށާއި މުވައްޒަފުން ނުނެގުމަށާއި ޕްރޮމޯޝަން ނުދެވޭނެ ވާހަކަ ބަޔާންކޮށްފައިނުވާކަމަށް ސަމީރު ވިދާޅުވިއެވެ.
ސަމީރު ވިދާޅުވީ މިހާރު ސިވިލް ސަރވިސް ކޮމިޝަނުން އަންގާފައިވާ ގޮތުގެ ސަބަބުން ކޮންމެހެން މުވައްޒަފަކަށް ލިބެންޖެހޭ ޕްރޮމޯޝަނެއްވެސް ނުލިބި އައު ރައީސް ހުވާކުރައްވަންދެން އެކަން ލަސްވެގެންދަނީކަމަށެވެ. އަދި މަގާމަށް މީހަކު އިންޓަރވިއުކޮށްފައި އެމީހަކު އެމަގާމަށް ނުގެނެސް އައު ރައީސް ހުވާކުރައްވަންދެން މަޑުކުރަންޖެހެނީކަމަށް ސަމީރު ވިދާޅުވިއެވެ.
މި ކަންކަން އެބައޮތް ހިނގައިފައި. އިންތިޚާބީ ރައީސްގެ ފަރާތްޕުޅުން ސިޓީއެއް އެބައޮތް ސަރުކާރަށް އައިސްފައި. އެހެނިހެން ކަންތައްތައް ހުއްޓައިލުމަށާއި އަދި އެ ކަންކަން ނުކުރުމުގެ މައްޗަށް ބިނާކޮށްފައި. އެހެންވީމާ އެއީ އަޅުގަނޑު ދެކޭ ގޮތުގައި ގާނޫނާ ޚިލާފަށް އަދި ގާނޫނު އަސާސީއާ ޚިލާފު ކަންތައްތަކެއް އެ ކުރައްވަމުން ގެންދަވަނީ. ދެން ވެރިކަމަށް ހުވައިކުރައްވައިގެން އެކަހަލަ ކަންތައްތަކާ އުޅުއްވާނީ.
– ސަމީރު ވިދާޅުވިއެވެ.
ސަމީރު ވިދާޅުވީ އުސޫލުތަކާ ޚިލާފަށް މަގާމެއް ދީފައިވާނަމަ އިންތިޚާބީ ރައީސް ހުވައިކުރައްވައި އެ މަގާމެއް އަތުލެއްވޭނެކަމަށެވެ. ގޯހުން ކަމެއް ހިންގައިފައިވާ ނަމަ އެ ކަމެއް ވެސް ބެލޭނެކަމަށެވެ. މީގެ އިތުރުން އެންޓި ކޮރަޕްޝަން ކޮމިޝަނަށް ވެސް ސަމީރުވަނީ ފާޑު ވިދާޅުވެފައެވެ. އޭނާ ވިދާޅުވީ އެ ކޮމިޝަނުގެ މަސައްކަތަކަށް ވާނީ ހިނގަމުންދާ މަޝްރޫތައް ރަނގަޅަށް އުސޫލާ އެއްގޮތަށް ހިނގާތޯ ބެލުންކަމަށެވެ.
4 Responses
ސިވިލްސާވިސް ގައި ތިބެނީ ވެސް ގާނޫނު ނުދަންނަ ޕަޕެޓޫންތަކެއް ސިވިލްސާވިސް އިން އަދި އަމަލު ކުރާކަށް ނުޖެހޭނެ އިންތިޚާބީ ރައީސް ބުނާގޮތަކަށް އަދި ކުރަންޖެހޭނީ ހުރި ރައީސް ބުނާގޮތަށް ހުވައި ކޮށްގެން މަސްޢޫލިއްޔަތާ ހަވާލުވުމުން މުއިއްޒު އަށް ސަރުކާރު ހިންގުމުގެ ބާރު ލިބެނީ
ސަމީރަކީ ތާކުންތާކު ޖެހޭ މީހެއްނޫން. ފާޔްސާހޯދުމައްދހެކޮޅައްދުވާާ، ބޮޑުވަގެއް
މިހާރުގެ ސަރުކާރުގާތިބެނީ ގާނޫނާ ގަވާއިދާ ދަންނަ ގާނޫނަށްއަމަލުކުރާބައެއް އަދިސަރުކާރުގާތިބެނީ ދަސްކިޔަވާ މޮޅުވެގެންއެއްއަންއަޅާފަތިބިބައެއް އަށްނައްއުޅެނީ ނުކިޔަވާތިބިސަރުކާރު ތިމާއަމިއްލައަށް ތިމާމަލާމާތްލި ިގަންނަ ައެއް މިނޫނީނޫޅޭނެ
ތިހިރީ ރައީސް އޮފީހުން ނުކުންނަންޖެހުމުން ރަނގަޅަށް ބޯގޮވާފަ. ގާނޫނާ ގަވައިދު އެނގެނީ މީނަޔަށް އެކަނިތަ؟