ސައުތުގެ މަޝްހޫރު އެކްޓަރު އެންޓީއާރް އާއި އެކުގައި ބޮލީވުޑްގެ ޒުވާން ބަތަލާ ޖާވްނީ ކަޕޫރު ފެނިގެންދާ އަލަތު ފިލްމް "ދަވަރާ" ދެ ބަޔަކަށް ބަހާލައިގެން ގެނެސްދޭން ނިންމައިފިއެވެ.
ބަތަލާ ޖާންވީ ކަޕޫރު ކެރިއަރުގެ ފުރަތަމަ ތަމަޅަ ފިލްމު ގެ ޑައިރެކްޓަރު ކޮރަތަލާ ސިވާ ވަނީ މި ފިލްމު ދެ ބަޔަކަށް ބަހާލައިގެން ގެނެސްދޭކަން ސޯޝަލް މީޑިއާ މެދުވެރިކޮށް އިއުލާންކޮށްފައެވެ. ފިލްމުތައް ދެ ބަޔަކަށް ބަހާލައިގެން ގެނެސްދިނުމަކީ ދެކުނު އިންޑިއާގެ ސިނަމާގައި މިހާރު ވަރަށް އާންމު ކަމެކެވެ.
View this post on Instagram
ހިންދީ ސިނަމާގެ ފަހުގެ ޖީލުން ފާހަގަކޮށްލެވޭ ޒުވާން ބަތަލާއަކީ، ފިލްމީ ދާއިރާއަށް ތަޢާރަފްވުމަށްފަހު ވަރަށް ކުޑަ ދުވަސްކޮޅެއްގެތެރޭ ގިނަ ބައެއްގެ މަޤުބޫލުކަން ހޯދި ބަތަލާއެކެވެ. ކުރީގެ ބަތަލާ ސްރީދޭވީ އަދި ބޮނީ ކަޕޫރުގެ ދެ ކުދިންގެ ތެރެއިން ދޮށީ ދަރިފުޅު ޖާންވީއަކީ ކުޑަ އިރުސުރެވެސް ފިލްމީ ދާއިރާއިން ކުރިޔަށްދާން ބޭނުންވި ބަތަލާއެކެވެ.
View this post on Instagram
ޖާންވީ އާއި އެންޓީއާރު ލީޑު ރޯލު ކުޅޭ މި ފިލްމުގައި ވިލަންގެ ރޯލުން ސައިފް އަލީ ހާން ވެސް ފެންނާނެއެވެ. މި ފިލްމުގެ މުހިންމު ރޯލުތަކުން ފެންނާނީ ޕްރަކާޝް ރާޖް، ޖިޝޫ ސެންގުޕްތާ، ސްރީކާންތު، ޓޮމް ޗަކޯ، ނަރީން އަދި މުރާލީ ޝަރްމާއެވެ.
