ދުވަސްގަނޑަކަށް ފަހު ސިނަމާގައި ސަނީގެ ފިލްމް ވަނީ ވަރަށް ފުރިހަމަ ކާމިޔާބެއް ހޯދައިފައިއެވެ. އެއީ އޯގަސްޓް މަހުގެ 11 ވަނަ ދުވަހުގައި ރިލީޒް ކުރި ސަނީގެ ކާމިޔާބު ފިލްމް "ގަދަރް 2″ އެވެ.
އެއާއި އެކުގައި ސަނީ އަންނަނީ ފިލްމް ތަށް 'އޮހެމުނ’ްނެވެ. ގިނަ އޮފާތަކެއް ސަނީ އަށް ލިބެމުން އަންނަ މި ދަޑިވަޅުގައި އޭނާ މިވަނީ ފިލްމް އަކަށް ސޮއި ކޮށްފައިއެވެ.
މި ފިލްމަކީ އާމިރު ޚާންގެ ޕްރޮޑިއުސްކޮށް، ރާޖްކުމާރު ސަންތޯޝީ ޑައިރެކްޓްކުރަން ހަމަޖެހިފައިވާ "ލާހޯރް: 1947″ އެވެ. މި ފިލްމު އިއުލާންކުރި ނަމަވެސް ފިލްމާ ބެހޭ އިތުރު އެއްވެސް ތަފުސީލެއް ހާމައެެއް ނުކުރެ އެވެ.
އެހެންވެ ފިލްމުގެ މަސައްކަތް ފަށާނެ އިރަކާއި އިތުރު ކާސްޓުންނާއި ބެލުންތެރިންނަށް ފިލްމު ގެނެސްދޭނެ އިރެއް ވެސް އަދި ނޭނގެ އެވެ. ނަމަވެސް މި ފިލްމްގެ ލީޑުން ޔަގީނުން ވެސް ފެނިގެންދާނީ ސަނީ ކަން ވަނީ ކަށަވަރު ވެފައިއެވެ. އެ ފިލްމު އިއުލާންކުރީ އާމިރުގެ އަމިއްލަ "އާމިރު ހާން ޕްރޮޑަކްޝަން" ހައުސްގެ އިންސްޓަގްރާމް އެކައުންޓުންނެވެ.
View this post on Instagram
ފާހަގަކޮށްލެވޭ ކަަމަކީ ސަންތޯޝީ އަކީ ސަނީގެ ކެރިއަރުގެ ވަރަށް ކާމިޔާބު ތިން ފިލްމެއްގެ ޑައިރެކްޓަރުކަމެވެ. އޭގެ ތެރޭގައި ސަނީ އަށް އެންމެ މޮޅު ސަޕޯޓިން އެކްޓަރުގެ ނެޝަނަލް އެވޯޑް ވެސް ލިބުނު 1993 ގެ "ދާމިނީ" ގެ އިތުރުން 1990 ގެ "ގާޔަލް" އާއި 1996 "ގަތަކު" ހިމެނެ އެވެ.
