ރިޔާސީ އިންތިޚާބުގެ ޓިކެޓު ހޯއްދެވީ ސިހުރު ހަދައިގެންކަމަށް، ރައީސް ޢަބްދުﷲ ޔާމީންގެ އަނބިކަނބަލުން ފާޠިމަތު އިބްރާހީމް ވިދާޅުވިކަމަށް ބުނާ ޗެޓް ލޮގަކީ ދޮގެއްކަމަށް، އެ ޗެޓުލޮގުގައި ވާހަކަ ދައްކާފައިވާކަމަށް ތުހުމަތުކުރާ ބޭފުޅުން ވިދާޅުވެއްޖެއެވެ.
އެގޮތުން ޑރ.މުއިއްޒު ރިޔާސީ ޓިކެޓު ހޯދީ ސިހުރު ހަދައިގެންކަަމށާއި، އެއީ ދެރަކަމެއްކަމަށް އެ ޗެޓުލޮގުގައި ވިދާޅުވެފައިވެއެވެ. އަދި އެ ވާހަކަތަށް މަހިބަދޫ ދާއިރާގ ެމެންބަރު އަޙްމަދު ޠާރިޤާއި، ޕީޕީއެމްގެ ނާއިބު ރައީސް އަދި ނައިފަރު ދާއިރާގެ މެންބަރު އަޙްމަދު ޝިޔާމްގެ ނަމުގައި ރިޕްލައިކޮށްފައިވެއެވެ.
ނަމަވެސް އެ ދެބޭފުޅިންވެސް ވަނީ އެ ޗެޓު ލޮގަކީ ފޭކެއްކަމަށް ވިދާޅުވެފައެވެ. އެ މެސެޖުގައި ވާގޮތުން އެ މެސެޖުތަށް ކޮށްފައިވަނީ ކެމްޕެއިންނިމެން ކައިރިވެފައިވަނިކޮށް މިއަދު ހަވީރު ފަހެއް ޖަހަނިކޮށެވެ. ނަމަވެސް އެ ވަގުތަކީ ޑރ.މުއިއްޒުގެ ކެމްޕެއިން ނިންމެވުމަށް ބޭއްވި ހިނގާލުމުގައި މެޑަމް ފާތުންވެސް ބައިވެރިވެވަޑައިގެންނެވި ވަގުތެވެ. ޝިޔާމް ވަނީ އެ ޗެޓުލޮގަކީ ދޮގެއްކަން ކަށަވަރުކޮށްދީފައެވެ.
