ޑައިރެކްޓަރު ވަސަން ބާލާއާ އެކީ ބަތަލާ އާލިއާ ބަޓް މަސައްކަތްކުރަން ހަަމަޖެހިފައިވާ ފިލްމު އިއުލާން ކޮށްފިއެވެ.
އަންނަ އަހަރުގެ ސެޕްޓެމްބަރު މަހު ބޮޑު ސްކްރީނަށް ގެންނަށް އަމާޒު ހިފައިފައިވާ ފިލްމް އިއުލާން ކުރި އިރުގައި މިފިލްމް ގެ ނަމަކީ "ޖިގްރާ"އެވެ. މި ފިލްމަކީ އޭނާގެ އަމިއްލަ އެޓާނަލް ސަންޝައިން ޕްރޮޑަކްޝަނުންނާއި އޭނަގެ އެންމެ ފަހުގެ ފިލްމު، "ރޮކީ އޯރް ރާނީ ކީ ޕްރޭމް ކަހާނީ" ގެ ޑައިރެކްޓަރު ކަރަން ޖޯހަރްގެ ދަރުމާ ޕްރޮޑަކްޝަން ގުޅިގެން ގެެނެސްދޭ ފިލްމްއެކެވެ.
View this post on Instagram
2021 ގައި އާލިއާ ލޯންޗްކުރި ފިލްމު ކުންފުނީގެ ފުރަތަމަ ގެނެސްދިން ފިލްމަކީ އާލިއާ ބަތަލާގެ ރޯލު ކުޅެ، މިދިޔަ އަހަރު ގެނެސްދިން "ޑާލިންސް" އެވެ. ޖަސްމީތު ކޭ ރީން ޑައިރެކްޓްކުރި އެ ފިލްމު ހެދީ ޝާހްރުކް ޚާންގެ ރެޑް ޗިލީސް އެންޓައިންމަންޓާ ގުޅިގެންނެވެ. "ޖިގްރާ" އަަކީ އާލިއާ ޕްރޮޑިއުސްކޮށް، ކުޅޭ ދެވަނަ ފިލްމެވެ.
މި ފިލްމްގެ އިތުރު ކާސްޓާއި ގުޅޭ ގޮތުން މިހާތަނަށް އަދި އެއްވެސް މައުލޫމާތެއް ހިއްސާކޮށްފައިއެއް ނުވެއެވެ. ނަމަވެސް މި ފިލްމް ވެގެން ދާނެ ކަމަށް ބެލެވެނީ ދައްތަ އަކާއި ފިރިިހެން ކޮއްކޮއެއްގެ ވާހަކައެއްގެ މައްޗަށް ކަމަށް ލަފާކޮށްލެވެއެވެ. އަދި ފިލްމް ވަރަށް އަސަރުގަދަވާނެ ކަމަށްވެސް ބެލެވެއެވެ.
