ޕީޕީއެމް ވެރިކަމަށް އަތުވެއްޖެނަމަ އަނިޔާވެރިކަން އިއާދަވާނެކަން ހާމަވެގެންދަނީ، އޭނާއާއި މަގުމަތިން ދިމާކޮށް ފުރައްސާރަކޮށް، އެޕާޓީގެ ބައެއް ސަޕޯޓަރުން އިންޒާރުދޭތީކަމަށް ކުރީގެ އޮޑިޓަރ ޖެނެރަލް ނިޔާޒް އިބްރާހީމް ވިދާޅުވެއްޖެއެވެ.
ނިޔާޒާ މިއަދު މަގުމަތިން ދިމާކޮށް، އެނާގެ ފަހަތުން އެކި ތުހުމަތުތަކާއެކު ބަޔަކު ވީޑިއޯކުރަމުންދާ ވީޑިއޯއެއް ސޯޝަލް މީޑިއާގައި އަންނަނީ ދައުރުވަމުންނެވެ. އެ ވީޑިއޯގައި ނިޔާޒް ބޭންކަށް ވަޑައިގަންނަވަނިކޮށް، ބަޔަކު ފަހަތުން ގޮސް ވަނީ އެކި ސުވާލުތައް ކުރައްވާ އެކި ތުހުމަތުކުރައްވާފައެވެ. އެގޮތުން ނިޔާޒް ފައިސާ ހޯދަނީ ކޮންތާކުންތޯ ސުވާލުކޮށްފައިވެއެވެ.
ނިޔާޒް ވިދާޅުވީ، އޭނާ ބޭންކަށް ވަޑައިގެންނެވި މަގުމަތީގައި "ބޯދިގުކޮށްފައިވާ"ވާ ގުންޑާއެއް އޭނާއާއި މަގުމަތިން ދިމާކޮށް ފުރައްސާރަކޮށް އިންޒާރު ދީފައިވާކަމަށެވެ.
މިހާރުއްސުރެ ޕީޕީއެމްގެ އަސްލު ސިފަ މިދަނީ ފެންނަމުން. ވެރިކަން ލިބިއްޖެނަމަ ކަންތައްތައް ހުންނާނެ ގޮތް އަންދާޒާ ކޮށްލައްވާ.
– ނިޔާޒް އިބްރާހީމް ވިދާޅުވިއެވެ.
ނިޔާޒްއާއި ދިމާކުރި ބައެއް ފަރާތްތަކުގެ ކަންބޮޑުވުަކީ ނިޔާޒް ބައެއް މީޑިއާތަކަށް ދެއްވާފައިވާ އިންޓަރވިއުއެވެ. ޒިޔާޒް ވިދާޅުވެފައިވަނީ ޕީޕީއެމްގެ ސަރުކާރެއް އަޔަ ނުދިނުމަށްޓަަކައި މަސައްކަތް ކުރާންޖެހޭ އެތައް ބައިވަރު ސަބަބުތަކެއް އެބަހުރި ކަމަށެވެ. އެގޮތުން އޭނާ ވަނީ އޭރުގެ ސަރުކާރުން ކަންކަން ކުރަމުންދިޔަ ކަންކަން ހަނދާންކޮށް އެ ތާރީހު އިޔާދަވިިޔަ ނުދިޔަމަށް މަސައްކަތް ކުރަންޖެހޭކަމަށް ވިދާޅުވެފައެވެ.
ނިޔާޒް ވިދާޅުވީ، ޕީޕީއެމްގެ ވެރިކަމުގައި އޮޑިޓާ ޖެނެރަލްގެ މަގާމުގައި ހުންނެވިއިރު، އެ ސަރުކާރުގެ އެތެރޭގައި ދައުލަތުގެ ވަސީލަތްތަކަށް ހިޔާނާތްތެރިވަމުންދިޔަ މިންވަރާއި އެ ހުރިހާ ކަމެއްގެ މައުލޫމާތު ލިބި، އެކަންކަން ރައްޔިތުންނަށް ހާމަ ކުރުމުން ވެގެންދިޔަ ގޮތް ދިވެހި އެއްވެސް ރައްޔިތަކަށް އޮޅިފައި ނޯންނާނެ ކަމަށެވެ.
ޔާޒް ވަނީ އޭނާއަށް ފުރައްސާރަކުރި ކަމުގެ ތުހުމަތުކުރާ މީހާގެ ފޮޓޯ ވެސް އާއްމުކޮށްފައެވެ.
