2001 ވަނަ އަހަރު ގެނެސްދިން މަޝްހޫރު ސިލްސިލާ ޑްރާމާ "ކަސޯޓީ ޒިންދަގީ ކީ" ގެ ލީޑުން ފެނިގެންދިއަ ޕްރޭނާގެ ރޯލު ކުޅުނު ޝްވެތާ ތިވާރީ އާއި ބަޖާޖްގެ ރޯލު ކުޅުނު ރޯނިތު ރޯއި އަލުން އެކީގައި އަންނަން އުޅޭކަމުގެ އިޝާރާތެއް ދީފަ އެވެ.
"ކުރީގެ ޖާދޫ އިޔާދަކުރަނީ" ކަމަށް ބުނެ މިދެތަރިން އެކުގައި ނަގައިފައިވާ ވަރަށް ގައިގޯޅި ފޮޓޯ ތަކެއް އަންނަނީ އެމީހުންގެ ސޯޝަލް މީޑިއާގައި ހިއްސާ ކުރަމުންނެވެ. މިއާ އެކީ ވަރަށް ގިނަ ފޭނުން ވަނީ ޝްވޭތާ އާއި ރޯނިތު އަލުން އެކީގައި ސިލްސިލާއަކަށް އަންނަނީ ކަމަށް ގަބޫލުކުރެވޭ ކަމަށް ބުނެފަ އެވެ. އެހެންވެ މިހާރު އެކަމަށް ކެތްމަދުވެފައިވާ ކަމަށް ބައެއް މީހުން ބުނެފައިވެ އެވެ.
އެކްތާ ކަޕޫރް ޕްރޮޑިއުސްކުރި ސިލްސިލާ "ކަސޯޓީ" އަކީ ސްޓާ ޕްލަސް 2001-2008 އަށް ގެނެސްދިން ވަރަށް މަޝްހޫރުވި ސިލްސިލާއެކެވެ. ހާއްސަ ކޮން ބަޖާޖް އާއި ޕްރޭނާގެ ކެރެކްޓާ ތަކަކީ މިހާރު ވެސް އާންމުންގެ މެދުގައި ވަރަށް މަޝްހޫރު ދެ ކެރެކްޓާއެވެ. ދިވެހިންގެ މެދުގައިވެސް މި ޑްރާމާ އަކީ ވަރަށް ހިންގި ޑްރާމާއެކެވެ.
މި ސިލްސިލާ ޑްރާމާ އާއި އެކުގައި ޝްވޭތާ އާއި ރޯނިތު ވަރަށް ބޮޑަށް އާންމުންގެ މެދުގައި މަޝްހޫރު ވެގެންދިއައެވެ. މިއަދު ވެސް އެމީހުންނަށް މުހާތަބު ކުރާ ނަމަކަށް ބަޖާޖް އަދި ޕްރެނާ ވަނީ ވެގެން ގޮސްފައިއެވެ.
ސްޓާ ޕްލަސް އިިން މުޅިން ތަފާތު ކާސްޓަކާ އެކީ 2018-2020 "ކަސޯޓީ" ގެ ދެވަނަ ސީޒަނެއް ވެސް ގެނެސްދިނެވެ. އެ ސިލްސިލާގެ ލީޑުން ފެނިގެން ދިއައީ ޕާތް ސަމްތާން އާއި އެރިކާ ފެރްނާންޑޭޒް އަދި ކަރަންސިންގް ގްރޯވާއެވެ.
