ރިޔާސީ އިންތިޚާބުގެ ދެވަނަބުރުގެ ކެމްޕޭނަށް މިއަދު ޑރ. މުއިއްޒު ބ. ކިހާދުއަށް ވަޑައިގެންނެވުމުން މަރުހަބާ ކިޔުމަށް ނިކުތުން މީހުގެ އިސްސަފުގައި އެމްޑީޕީގެ މެމްބަރުން ހިމެނިއްޖެއެވެ.
ހުއްޓުމެއް، މަޑުޖެހުމެއްނެތި މުއިއްޒު ކުރައްވަމުންދާ ކެމްޕޭންގައި މުއިއްޒު ކިހާދޫއަށް ވަޑައިގެންނެވުމުން އެރަށުން ވަނީ ހޫނު މަރުހަބާއެއް ދަންނަވާފައެވެ. މުއިއްޒުއަށް މަރުހަބާ ކިޔަން ހަދާފައި އޮތް ދިގު ސަފުގައި އެމްޑީޕީގެ ޓީޝާޓުގައި ތިބި މީހުންވެސް ތިއްބެވެ. މިމީހުގެ އަމާޒަކީ މިއިންތިޚާބުގައި ތިބިގޮތް ހާމަކޮށް ޑރ. މުއިއްޒަށް ތާއީދު ކުރާކަން ހާމަ ކުރުމެވެ.
ކިހާދޫ ރައްޔިތުންނާއި މުޙާތަބް ކުރައްވާ ވާހަކަ ދައްކަވަމުން މުއިއްޒު ވިދާޅުވީ ކިހާދޫ ރައްޔިތުން އަބަދުވެސް އިސްކުރާނީ ޤައުމު ކަމަށް ގަބޫލު ކުރައްވާކަމަށެވެ. ކިހާދޫ ރައްޔިތުން އެދޭތަރައްގީ ހާސިލް ކުރެވޭ މިހާރު މިފެށިފައިވާ ޤައުމު މިނިވަން ކުރުމުގެ ބުރަ މަސައްކަތް ކޮށްގެން ކަމަށާއި، އެކަން ކުރުމަށް މުޅި ރާއްޖެއިން މިސަރުކާރަށް ބޮޑުކޮށް ނޫނެކޭ ބުނަންޖެހޭކަމަށް މުއިއްޒު ވިދާޅުވިއެވެ. މުއިއްޒު ވިދާޅުވީ ކިހާދޫ ރައްޔިތުން އެދޭ ތަރައްޤީވެސް ހާސިލް ކޮށްދޭނީ ރަނުން ރަނަށް ކަމަށެވެ.
ކިހާދޫ ރައްޔިތުންނަށް ވެވަޑައިގެންނެވި ވައުދުތައް:
– ޒުވާނުންގެ މަރުކަޒެއް ހަދާދޭނަން
– ގިރާ ސަރަހައްދު ހިމާޔަތް ކުރާނަން
– އިންޖީނުގެ މީހުން ދިރިއުޅޭ ސަރަހައްދުން ބަދަލު ކޮށްދޭނަން
– ސިއްޚީ މަރުކަޒު އަޕްގްރޭޑް ކޮށްދޭނަން
– ކުޑަކުދިންގެ ޕާކެއް ހަދާދޭނަން
– ކައުންސިލް އިދާރާ ހިންގާނެ އިމާރާތެއް ހަދާދޭނަން
މުއިއްޒު ވަނީ ކިހާދޫ ރައްޔިތުންނަށްވެސް އެރަށުގައި މިހާރު ކުރިއަށްދާ އެއްވެސް މަޝްރޫއެއް ހުއްޓާނުލައި ކުރިއަށް ގެންދާނެކަމުގެ ޔަގީންކަން ދެއްވާފައެވެ. އަދި ވަޒީފާތަކުގައި ތިއްބެވި އެއްވެސް މީހެއްގެ ވަޒީފާގެއްލި ނިކަމެތިކަމެއް ލިބޭނެފަދަ އެއްވެސް ކަމެއް ނުކުރާނެކަމުގެ ޔަގީންކަން ދެއްވާފައެވެ.
